Qyrǵyzstan men Tájikstan shekarasynyń daýly ýchaskeleriniń birinde eki memlekettiń shekarashylary arasynda atys boldy. Bul týraly Qyrǵyzstannyń Memlekettik ulttyq qaýipsizdik komıtetiniń Shekara qyzmeti málimdedi, dep habarlaıdy “Adyrna” ulttyq portaly.
«2022 jyldyń 10 naýryzynda memlekettik shekaranyń qyrǵyz-tájik ýchaskesinde qarý qoldaný oqıǵasy oryn aldy», - delingen habarlamada.
Atys shamamen jıyrma mınýtqa sozylǵan. Qyrǵyz tarapynan qaqtyǵys saldarynan jaralanǵandar men zardap shekkender joq. Aldyn ala málimet boıynsha, tájik tarapynan jaralanǵandar bar.
Qazir eki eldiń ókilderi kelissózder júrgizip jatyr.
Esterińizge salaıyq, qyrǵyz-tájik shekarasynda osyǵan deıin birneshe qarýly qaqtyǵys boldy. Eki eldiń shekarasynyń uzyndyǵy 980 shaqyrym. Onyń 500 shaqyrymnan astamy aıqyndalyp, qalǵan bóligi daýly kúıinde qalyp otyr. Teskeı aýdany memlekettik shekaranyń belgilenbegen ýchaskesi bolyp sanalady, biraq ol aýmaqty is júzinde Qyrǵyzstan azamattary paıdalanady.
“Adyrna” ulttyq portaly
