Qyrǧyzstan men Täjıkstan şekarasynyŋ dauly uchaskelerınıŋ bırınde ekı memlekettıŋ şekaraşylary arasynda atys boldy. Būl turaly Qyrǧyzstannyŋ Memlekettık ūlttyq qauıpsızdık komitetınıŋ Şekara qyzmetı mälımdedı, dep habarlaidy “Adyrna” ūlttyq portaly.
«2022 jyldyŋ 10 nauryzynda memlekettık şekaranyŋ qyrǧyz-täjık uchaskesınde qaru qoldanu oqiǧasy oryn aldy», - delıngen habarlamada.
Atys şamamen jiyrma minutqa sozylǧan. Qyrǧyz tarapynan qaqtyǧys saldarynan jaralanǧandar men zardap şekkender joq. Aldyn ala mälımet boiynşa, täjık tarapynan jaralanǧandar bar.
Qazır ekı eldıŋ ökılderı kelıssözder jürgızıp jatyr.
Esterıŋızge salaiyq, qyrǧyz-täjık şekarasynda osyǧan deiın bırneşe qaruly qaqtyǧys boldy. Ekı eldıŋ şekarasynyŋ ūzyndyǧy 980 şaqyrym. Onyŋ 500 şaqyrymnan astamy aiqyndalyp, qalǧan bölıgı dauly küiınde qalyp otyr. Teskei audany memlekettık şekaranyŋ belgılenbegen uchaskesı bolyp sanalady, bıraq ol aumaqty ıs jüzınde Qyrǧyzstan azamattary paidalanady.
“Adyrna” ūlttyq portaly
