“Turan ýnıversıteti”- stýdentter úshin keremet múmkindik, zamanaýı oqý orny, kóp oqý, keremet tájirıbe jınaý úshin keremet jer dep aıta alamyn. Jýrnalıst bolýdy bala kezden armandamaǵan edim.. Degenmen qyzyǵýdy emes, kóp izdenisti talap etetin, «tórtinshi bılik» atalatyn shyǵarmashylyq salaǵa qyzyǵýshylyq júrek túkpirinde bar-tuǵyn. Keıin es jıyp, oılana kele, shyn máninde kim bolýdy qalaıtynymdy, qaı jolmen júrgim keletinin taǵy da bir ishteı tarazyladym. Ekinshi márte mamandyq tańdaý suraǵyn ózime-ózim qoıyp kórdim.
Saıyp kelgende, asyl sózdi marjandaı tizip, sózdiń jiligin shaǵyp, maıyn ishýdi arman etip, jan dúnıem jýrnalıst bolýdy qalady. Árıne, sol úshin taǵdyrymnyń tar mańdaıyma tarqan tartýyma, tańdaýym «Turan» ýnıversıteti boldy. «Turan ýnıversıtetiniń ustanymy – barshaǵa arnalǵan ýnıversıtet» degennen soń da, janyma jylylyq sezilip, ózine baýrap úlgerdi. Jýrnalıst mamandyǵyna degen qushtarlyǵym odan saıyn artqandaı boldy.
Bul bilim ordasynda joǵarǵy dárejedegi mamandar jumys jasap, jas jetkinshekterdiń damýy men qalyptasýyna bir kisideı at salysady. 2015 jyldan bastap – 2019 jylǵa deıingi statıstıkaǵa kóz júgirtip qaraıtyn bolsaq, Turan ýnıversıtetinen túlep ushqan stýdentterdiń 94% paıyzy 6 aı ishinde ózderiniń mamandyqary boıynsha jumysqa ornalasyp, óz mansaptaryn jalǵastyrǵan eken.Bizdiń bilim oshaǵymyzdyń ózindik erekshelikteri de joq emes, kóp ultty bilim berý oryny bolǵandyqtan, kez – kelgen ult ókili maman bolyp qalyptasam degen nıeti bolsa jetkilikti. Jáne shet elde bilim alý múmkindigi de qarastyrylǵan, sondaı – aq 11 jyl úzdik oqyp «Altyn belgi» ıegerlerine de 4 jyldyq tegin oqý múmkindigimen qamtamassyz etip otyr.
Stýdenttik keremet ómirimiz osy ýnıverden bastaý alyp, osy ýnıverden aıaqtalýyna qatty qýanamyn. Sebebi keremet shaqta, kóp dostar taýyp, uıymdarǵa qosylyp, jarystarǵa shyǵyp, praktıkalyq tapsyrmalar oryndap, mol tájirıbe alyp jatyrmyz. “Turan” ýnıversıtetiniń eń qyzyǵy- uıymdary. Sonyń ishindegi “TeArt” teatrlyq stýdentter uıymy. Osy uıymǵa kirý arqyly men naǵyz keremet kúnderimdi ótkizýdemin. Ýnıversıtet basshylyqtary, oqytýshylary, stýdentteri osy ýnıver úshin jaralǵandaı, barlyǵy óz jumystaryn jaqsy biledi.
Turan – jańashyldyqqa, jasampazdyqqa, básekege qarsy turýǵa, múmkindigi mol jastarǵa arnalǵan bolashaq bastaýy der edim. Sebebei, jyldan – jylǵa jańarǵan baǵdarlama, kúnnen – kúnge damyǵan tehnıka, bizderdi yńǵaıly, ári sapaly damytyp, qalyptastyrýda. Ońtústik Astanamyzdyń eń yńǵaıly jerinde, zaman talabyna saı jabdyqtalǵan, jańartylǵan ǵımaratta, meıirban, jyly júzdi ustazdar men kópshil stýdentterdiń arqasynda, Turan áli de bolsa talaıdyń tańdaýy bolary aıtpasaq ta aıdan anyq.
Aıaýlym NURSULTAN
