“تۇران ۋنيۆەرسيتەتى”- ستۋدەنتتەر ءۇشىن كەرەمەت مۇمكىندىك، زاماناۋي وقۋ ورنى، كوپ وقۋ، كەرەمەت تاجىريبە جيناۋ ءۇشىن كەرەمەت جەر دەپ ايتا الامىن. جۋرناليست بولۋدى بالا كەزدەن ارمانداماعان ەدىم.. دەگەنمەن قىزىعۋدى ەمەس، كوپ ىزدەنىستى تالاپ ەتەتىن، «ءتورتىنشى بيلىك» اتالاتىن شىعارماشىلىق سالاعا قىزىعۋشىلىق جۇرەك تۇكپىرىندە بار-تۇعىن. كەيىن ەس جيىپ، ويلانا كەلە، شىن مانىندە كىم بولۋدى قالايتىنىمدى، قاي جولمەن جۇرگىم كەلەتىنىن تاعى دا ءبىر ىشتەي تارازىلادىم. ەكىنشى مارتە ماماندىق تاڭداۋ سۇراعىن وزىمە-ءوزىم قويىپ كوردىم.
سايىپ كەلگەندە، اسىل ءسوزدى مارجانداي ءتىزىپ، ءسوزدىڭ جىلىگىن شاعىپ، مايىن ءىشۋدى ارمان ەتىپ، جان دۇنيەم جۋرناليست بولۋدى قالادى. ارينە، سول ءۇشىن تاعدىرىمنىڭ تار ماڭدايىما تارقان تارتۋىما، تاڭداۋىم «تۇران» ۋنيۆەرسيتەتى بولدى. «تۇران ۋنيۆەرسيتەتىنىڭ ۇستانىمى – بارشاعا ارنالعان ۋنيۆەرسيتەت» دەگەننەن سوڭ دا، جانىما جىلىلىق سەزىلىپ، وزىنە باۋراپ ۇلگەردى. جۋرناليست ماماندىعىنا دەگەن قۇشتارلىعىم ودان سايىن ارتقانداي بولدى.
بۇل ءبىلىم ورداسىندا جوعارعى دارەجەدەگى ماماندار جۇمىس جاساپ، جاس جەتكىنشەكتەردىڭ دامۋى مەن قالىپتاسۋىنا ءبىر كىسىدەي ات سالىسادى. 2015 جىلدان باستاپ – 2019 جىلعا دەيىنگى ستاتيستيكاعا كوز جۇگىرتىپ قارايتىن بولساق، تۇران ۋنيۆەرسيتەتىنەن تۇلەپ ۇشقان ستۋدەنتتەردىڭ 94% پايىزى 6 اي ىشىندە وزدەرىنىڭ ماماندىقارى بويىنشا جۇمىسقا ورنالاسىپ، ءوز مانساپتارىن جالعاستىرعان ەكەن.ءبىزدىڭ ءبىلىم وشاعىمىزدىڭ وزىندىك ەرەكشەلىكتەرى دە جوق ەمەس، كوپ ۇلتتى ءبىلىم بەرۋ ورىنى بولعاندىقتان، كەز – كەلگەن ۇلت وكىلى مامان بولىپ قالىپتاسام دەگەن نيەتى بولسا جەتكىلىكتى. جانە شەت ەلدە ءبىلىم الۋ مۇمكىندىگى دە قاراستىرىلعان، سونداي – اق 11 جىل ۇزدىك وقىپ «التىن بەلگى» يەگەرلەرىنە دە 4 جىلدىق تەگىن وقۋ مۇمكىندىگىمەن قامتاماسسىز ەتىپ وتىر.
ستۋدەنتتىك كەرەمەت ءومىرىمىز وسى ۋنيۆەردەن باستاۋ الىپ، وسى ۋنيۆەردەن اياقتالۋىنا قاتتى قۋانامىن. سەبەبى كەرەمەت شاقتا، كوپ دوستار تاۋىپ، ۇيىمدارعا قوسىلىپ، جارىستارعا شىعىپ، پراكتيكالىق تاپسىرمالار ورىنداپ، مول تاجىريبە الىپ جاتىرمىز. “تۇران” ۋنيۆەرسيتەتىنىڭ ەڭ قىزىعى- ۇيىمدارى. سونىڭ ىشىندەگى “تەارت” تەاترلىق ستۋدەنتتەر ۇيىمى. وسى ۇيىمعا كىرۋ ارقىلى مەن ناعىز كەرەمەت كۇندەرىمدى وتكىزۋدەمىن. ۋنيۆەرسيتەت باسشىلىقتارى، وقىتۋشىلارى، ستۋدەنتتەرى وسى ۋنيۆەر ءۇشىن جارالعانداي، بارلىعى ءوز جۇمىستارىن جاقسى بىلەدى.
تۇران – جاڭاشىلدىققا، جاسامپازدىققا، باسەكەگە قارسى تۇرۋعا، مۇمكىندىگى مول جاستارعا ارنالعان بولاشاق باستاۋى دەر ەدىم. سەبەبەى، جىلدان – جىلعا جاڭارعان باعدارلاما، كۇننەن – كۇنگە دامىعان تەحنيكا، بىزدەردى ىڭعايلى، ءارى ساپالى دامىتىپ، قالىپتاستىرۋدا. وڭتۇستىك استانامىزدىڭ ەڭ ىڭعايلى جەرىندە، زامان تالابىنا ساي جابدىقتالعان، جاڭارتىلعان عيماراتتا، مەيىربان، جىلى ءجۇزدى ۇستازدار مەن كوپشىل ستۋدەنتتەردىڭ ارقاسىندا، تۇران ءالى دە بولسا تالايدىڭ تاڭداۋى بولارى ايتپاساق تا ايدان انىق.
اياۋلىم نۇرسۇلتان
