Memlekettik qyzmet isteri agenttiginde 2023 jyldyń jumys qorytyndysy boıynsha alqa otyrysy ótti. Oǵan Prezıdent Ákimshiliginiń ókilderi, Prezıdent janyndaǵy Memlekettik basqarý akademııasy, Agenttik janyndaǵy Qoǵamdyq keńes, Ádep jónindegi komıssııa, Servıstik memlekettik apparatty qalyptastyrý jáne onyń qyzmetin bıýrokratııadan aryltý jónindegi Konsýltatıvtik-saraptamalyq top músheleri qatysty.
Alqa májilisinde MQIA tóraǵasy Darhan Jazyqbaı Agenttik óziniń memlekettik qyzmet salasyn baqylaý fýnkııasy aıasynda azamattar men memlekettik qyzmetshilerdiń quqyqtaryn qorǵaýǵa basa nazar aýdaratynyn atap ótti.
Osy maqsatta Agenttikpen óńirlerdegi Ádep jónindegi keńesterdiń quramyna BAQ ókilderi men jurtshylyqtyń belsendi ókilderin tartý boıynsha aýqymdy jumys júrgizildi.
2023 jyly Ádep jónindegi keńesterdiń 195 otyrysy ótkizilip, onda 1300-den astam ótinishter men suraqtar qaraldy. Olardyń 62% profılaktıkalyq sıpatta boldy jáne ádeptilik quqyq buzýshylyqtardyń aldyn alýǵa baǵyttaldy. Jyl qorytyndysy boıynsha Ádep jónindegi keńester usynystarynyń 96% -y oryndaldy, bul atalǵan ınstıtýt jumysynyń tıimdiliginiń joǵary kórsetkishi sanalady.
Agenttiktiń úılestirýimen óńirlerde ádep jónindegi ýákilder tarapynan aýqymdy túsindirme jumystary júrgizilip 26 myńnan astam azamat pen memlekettik qyzmetshilerge jeke konsýltatıvtik kómek kórsetildi.
Aıta ketý kerek, 2023 jyly Agenttikpen 396 tekserý júrgizilip, 13 myńnan astam buzýshylyq anyqtaldy. Tekseristerdiń qorytyndysy boıynsha zańsyz aktilerdiń kúshin joıý týraly 345 usynym jáne uıǵarym engizilip, olardyń 97,9%-y tolyǵymen oryndaldy. Baqylaý sharalarynyń nátıjesi boıynsha qabyldanǵan sheshimderdiń arqasynda 191 azamattyń quqyǵy qorǵaldy.
Darhan Jazyqbaı memlekettik qyzmet – bul memlekettik qyzmetshilerden eldik múddeni, zańdar men adamgershilik ustanymdardy jeke paıdadan bıik qoıýdy talap etetin qoǵamdyq senim ekenin eskertip, soǵan oraı memlekettik qyzmetshilerdiń ádep qaǵıdattaryna joǵary talaptar qoıylatynyn aıtty.
Agenttikpen memlekettik qyzmetshilerdiń Ádep kodeksine túsindirmeler ázirlendi. Olar Kodekstiń normalaryn tájirıbede qoldaný barysynda durys túsinýge baǵyttalǵan.
Sondaı-aq Agenttik basshysy memlekettik qyzmetshilerdiń qumar oıyn mekemelerine barý faktilerine oraı qoǵam tarapynan synı pikirler men narazylyqtar týyndap jatatyndyqtan ótken jyly Ádep kodeksine memlekettik qyzmetshilerdi qumar oıyn mekemelerine barýdan tartynýǵa yntalandyrý boıynsha túzetýler engizilgenin atap ótti.
QR MQIA Baspasóz qyzmeti
