Qazaqstanda 2023 jyly avtonesıe 81,5 paıyzǵa ósken, dep habarlaıdy “Adyrna” ulttyq portaly Birinshi nesıe bıýrosyna silteme tastap.
«2022 jylmen salystyrǵanda berilgen nesıelerdiń jalpy somasy eki esege jýyq ósti. 2023 jyly kólik satyp alýǵa berilgen avtonesıe kólemi 1,6 trln teńgege deıin ósti. 2022 jyly bul kórsetkish 708,5 mlrd teńge bolǵan», - delingen beısenbi kúni Data Hab Telegram arnasynda.
Aqparatqa sáıkes, 2023 jyly 208,4 myń avtokólik nesıesi berilgen. Jeltoqsanda 2023 jyldyń basymen salystyrǵanda emıssııanyń ortasha somasy 9,7 paıyzǵa ósip, 7,9 mln teńgege jetken. Emıssııanyń eń joǵary shegi jeltoqsanda – 178 mlrd teńgege 23,5 myń nesıe boldy.
Negizi, bankterge qaraǵanda mıkro qarjy uıymdarynyń avto nesıesi «qymbat». Máselen jeltoqsandaǵy qorytyndy boıynsha mıkro qarjy uıymdarynyń jyldyq tıimdi syıaqy mólsherlemesi – 40,8 paıyz, al bankterdiki – 22,2 paıyzdy quraıdy. Degenmen 2023 jyly jalpy avto nesıelerdiń 30,6 paıyzy (481,8 mlrd teńge) mıkro qarjy uıymdarynan alynǵan.
Jalpy avtonesıe portfeli 2,5 trln. teńgeni qurady, bul bir jyl burynǵydan 64,8 paıyzǵa nemese 1 trlnǵa artyq esepti kórsetedi.
“Adyrna” ulttyq portaly
