Memleket basshysy Qasym-Jomart Toqaev jumys saparymen Almaty qalasyna keldi, dep habarlaıdy "Adyrna" ulttyq portaly.
"Prezıdent erteń birqatar ınfraqurylymdyq jáne áleýmettik nysandardy aralap, ákimdiktiń megapolıstegi jol-kólik júıesin damytý josparymen tanysady. Sondaı-aq seısmıkalyq qaýipsizdik máseleleri jóninde keńes ótkizý josparlanyp otyr" delingen Aqordanyń resmı habarlamasynda.
Eske sala keteıik, Almaty qalasynda 23 qańtarda túngi saǵat 00:09 ýaqytynda magnıtýdasy 6,2 balldy quraǵan jer silkinisi boldy. Aldyn-ala eskertilmegen, boljaýsyz bolǵan tabıǵı apat almatylyqtardy dúrbeleńge saldy. Atalmysh jaıttan soń memleket basshysynyń Almatyǵa keletini aıtylǵan bolatyn.
