Qazaqstanda er adam AQSh-tan balalar oıynshyqtarynyń keıpinde esirtki aldyrǵan, dep habarlaıdy “Adyrna” ulttyq portaly Bas kólik prokýratýrasyna silteme jasaı otyryp.
«Memlekettik aıyptaýshy sotqa aıyptalýshy azamatqa qatysty «balalar oıynshyqtary» degen jeleýmen Qazaqstan aýmaǵynda satý jáne materıaldyq paıda alý maqsatynda AQSh-tan halyqaralyq poshta jónetilimderi arqyly esirtki zattaryn tapsyrys berip, alǵany týraly bultartpas dálelder keltirdi», - dedi prokýratýra.
Prokýratýranyń málimetinshe, ótken jyldan bastap alqabılerdiń qatysýymen qaralatyn qylmystyq isterdiń asa aýyr sanatynyń tizbesi keńeıtilgen. Olardyń qataryna esirtki men psıhotroptyq zattardyń zańsyz aınalymyna baılanysty qylmystyq quqyq buzýshylyqtar kiredi.
2023 jyldyń sońynda alqabıler esirtki kontrabandasymen aınalysatyn A. azamatyna qatysty aıyptaý úkimin shyǵardy. Olardyń úkimi negizinde kináli 10 jylǵa 6 aıǵa bas bostandyǵynan aıyryldy.
“Adyrna” ulttyq portaly
