1 nauryzda saǧat 00:00-den bastap eldıŋ bükıl aumaǧynda bıryŋǧai uaqyt beldeuı ornatylady. Būl turaly Sauda jäne integrasiia ministrlıgınıŋ baspasöz qyzmetı aitty, dep habarlaidy «Adyrna» tılşısı.
Osylaişa Qazaqstanda 5-şı uaqyt beldeuı (UTC+5) qoldanylmaq.
«Qazaqstan Respublikasynyŋ aumaǧyndaǧy uaqytty esepteu tärtıbı turaly» Qazaqstan Respublikasy Ükımetınıŋ 2000 jylǧy 23 qaraşadaǧy N 1749 qaulysyna engızılgen özgertulerge säikes, «Astana, Almaty qalalarynyŋ äkımdıkterı, Şymkent, Aqmola, Almaty, Jambyl, Qaraǧandy, Qostanai, Pavlodar, Soltüstık Qazaqstan, Türkıstan, Şyǧys Qazaqstan oblystarynda jäne Abai, Jetısu, Ūlytau oblystarynda 2024 jylǧy 29 aqpannan 1 nauryzǧa qaraǧan tünı (saǧat 00:00-de) jergılıktı uaqytty 1 saǧatqa artqa qoiu kerek»,—delıngen habarlamada.
Aita keteiık, bügıngı taŋda Qazaqstanda UTC+5 jäne UTC+6 ekı uaqyt beldeuı bar. El aumaǧynyŋ köp bölıgı (batys oblystardy qospaǧanda) UTC+6 aimaǧynda ornalasqan.
Elımızde bıryŋǧai uaqyt beldeuın ornatudy uaqytty esepteu mäselelerı jönındegı jūmys tobyna kırgen qazaqstandyq ǧalymdar men sarapşylar ūsynǧan.
Jūmys toby 2023 jyldyŋ aqpanynda qazaqstandyqtardyŋ eŋ qolaily uaqyt beldeuıne köşu turaly bırneşe märte kelıp tüsken ötınışterıne bailanysty qūrylǧan. Onyŋ qūramyna ǧylymi instituttardyŋ, medisinalyq joǧary oqu oryndarynyŋ, ortalyq jäne jergılıktı memlekettık organdardyŋ ökılderı, Parlament deputattary kırdı.
Ötken jyldan bastap medisina, fiziologiia, geografiia,metrologiia jäne basqa da türlı salalardy qamtityn jūmys tobynyŋ müşelerı Qazaqstanda qolaily uaqyt beldeuın belgıleu mäselesın zerttep keledı. Jūmys tobyna qatysuşylar UTC+5 bıryŋǧai uaqyt beldeuıne köşu eŋ dūrys jäne oŋtaily nūsqasy ekenın jäne Qazaqstannyŋ köptegen aimaqtary tabiǧi uaqytqa eŋ jaqyn uaqytty paidalanatyn bolady degen ortaq pıkırge keldı.
