Bashqurtstandaǵy Baımaq qalasynyń on myńnan asa turǵyny sot ǵımaratynyń aldyna mıtıngige shyǵyp jatyr, dep habarlaıdy «Adyrna» ulttyq portaly.
Halyq «ultaralyq arazdyqty qozdyrdy» (RF Qylmystyq kodeksiniń 282-babynyń 1-bóligi). degen aıyppen tórt jylǵa sottalǵan belsendi Faıl Alsynovty bosatýdy talap etý úshin Baımaq aýdandyq sotynyń aldyndaǵy alańǵa jınaldy. Tergeý komıteti Alsynovqa qarsy isti Bashqurtstan basshysy Radıı Habırovtyń shaǵymy boıynsha qozǵady. Narazylyq bildirýshiler Alsynovty «bermeımiz» dep málimdedi.
2023 jyly Alsynov Bashqurtstanda altyn óndirýge, sondaı-aq shahtalardaǵy mıgranttardyń jumysyna qarsy narazylyqtarǵa belsendi qatysqan. Tergeý qorytyndysy boıynsha, 2023 jyldyń sáýir aıynda Ishmýrzıno aýylynyń turǵyndarynyń jıynynda belsendi «bashqurt tilinde, Kavkaz, Orta Azııa jáne armıandar halyqtaryna qatysty, bular qara halyqtar» dep óz pikirin bildirgen.
Túrki halyqtarynyń tilinde «qarapaıym halyq» degen maǵynany bildiretin sózi úshin sot ony jalpy rejımdegi kolonııaǵa 4 jylǵa qamaý týraly úkim shyǵardy.
Faıl Alsynov óz kinásin joqqa shyǵaryp, bashqurt tilinde sóılegenin jáne onyń sózi durys túsindirilmegenin aıtyp otyr.
SOT OTYRYSYNA DEIIN
Otyrys bastalar aldynda qaýipsizdik qyzmetkerleri men arnaıy jasaq avtobýstarynyń kómegimen ǵımaratqa jaqyndaýdy toqtatty, dep habarlaıdy «Verstka». Basylymnyń habarlaýynsha, sot ǵımaratynan úsh shaqyrym radıýsta ınternet óshirilgen. Sonymen qatar, Reseıdiń birneshe aımaqtarynda WhatsApp jelisiniń jumysynda aqaýlar oryn aldy, dep jazady Baza telegram arnasy. Shaǵymdardyń kópshiligi Bashqurtstannan bolǵan.
«Kýshtaý Baıram» telegram arnasynyń málimetinshe, bul jerge birneshe myń narazylyq bildirýshiler jınaldy. «Verstka» arnasynyń esepteýlerine sáıkes, úsh myńdaı adam týraly aıtylsa, keıin adamdar mıtıng ornyna kelýdi jalǵastyrǵan. Keıinirek SOTAvision arnasy narazylyq bildirýshilerdiń sanyn 10 myńǵa jetkenin baǵalady.
Halyq «Bostandyq», «Kúsh birlikte» dep urandaǵan.
POLIIIaMEN QAQTYǴYS
Úkim shyǵarylǵannan keıin narazylyq bildirýshilerdi qamaýǵa alý bastaldy. Arnaıy jasaq mıtıngke qatysýshylarǵa qarsy kózden jas aǵyzatyn gaz qoldandy, dep habarlaıdy SOTAvision tilshisi.
Onyń aıtýynsha, qaýipsizdik qyzmetkerleri jınalǵandardy dýbınkamen uryp, sonymen qatar kópshilikke tútin bombalaryn laqtyrǵan. Buǵan jaýap retinde narazylyq bildirýshiler arnaıy jasaq pen polıııaǵa qatyp qalǵan qar men muz bólikterin laqtyrady, deıdi.
«Er adamdardy aıaýsyz uryp jatty. Dýbınkalarmen bastarynan uryp, bireýdiń kózin aǵyzyp jiberdi», deıdi.
Qaqtyǵys bolyp jatqan jerde «Odnajdy v Bashkırıı» telegram arnasy 300-ge jýyq quqyq qorǵaý organdarynyń qyzmetkerleri bar dep jazady. Bul rette Baza olardyń sany 600-den astam dep otyr. «Odnajdy v Bashkırıı» habarlaǵandaı, qaýipsizdik kúshteri jaryq shý granatalaryn da qoldanǵan. Oqıǵa ornynyndaǵy beınelerde jarylystar estiledi.
Zardap shekkender men ustalǵandar týraly habar bolǵanmen, olardyń sany belgisiz. Ár túrli baǵamdar boıynsha zardap shekkender-birneshe adam, ustalǵandar sany 5-ten 20-ǵa deıin.
BUǴATTAÝLAR JÁNE KELISSÓZDER
BAQ-nyń habarlaýynsha, «Kýshtaý Baıram» telegram arnasy qoljetimsiz bolyp tur. Sońǵy jazba Máskeý ýaqytymen 12:59-da jarııalanǵan. Bul ekinshi ret, bir kún buryn arna dál osylaı buǵattalǵan. Sondaı-aq, jýrnalıster Baımaqtaǵy narazylyqtardy belsendi túrde jarııalaǵan Rus News arnasynyń ashylmaı qalǵanyn habarlaıdy.
Narazylyq bildirýshiler men qaýipsizdik qyzmetkerleri arasynda kelissózder bastaldy, dep habarlaıdy «7h7». Basylymnyń málimetinshe, Faıl Alsynovtyń ákesi kelissóz júrgizýshi bolyp tabylady. Ol qaýipsizdik qyzmetkerlerine ustalǵandardy bosatýdy, al narazylyq bildirýshilerge sot ǵımaratynyń aldyndaǵy alańnan ketýdi usynǵan.
SOTAvision málimetteri boıynsha, narazylyq bildirýshiler men qaýipsizdik qyzmetkerleri ýaqytsha bitimge kelisti.
Polıııa Baımaqtaǵy narazylyq bildirýshilerge qarsy jappaı tártipsizdikter týraly qylmystyq is qozǵady, dep habarlaıdy «RIA Novostı» agenttigi Ishki Ister Mınıstrliginiń qoǵamdyq keńesiniń basshysyna silteme jasap.
Baımaq qalasy turǵyndarynyń sany 18 myńǵa jýyqtaıdy.
Ashat Ahmedııar
