Mäjılıs deputaty Maqsat Tolyqbai kezektı otyrysta jer mäselesın köterdı, dep habarlaidy "Adyrna" ūlttyq portaly. Deputattyq saual Qazaqstan Respublikasynyŋ Premer-Ministrınıŋ orynbasary Serık Jūmanǧarinǧa jäne Qazaqstan Respublikasynyŋ Bas prokuror Berık Asylovqa joldandy.
Būl joly jer dauy Üşqoŋyr tauyna qatysty boldy.
"Üşqoŋyr degen taudyŋ baryn bärıŋız bılesızder. Talailardyŋ kındık qany tamyp, tırlıgıne arqau bolǧan sol tau bügınde sai-sala, qyrat-jotalarymen tügel bır azamattardyŋ ǧana menşıgınde. Almaty oblysyndaǧy Üşqoŋyr üstırtıne barar joldy basynan-aiaǧyna deiın mūzdai qarualanǧan top küzetedı. Jol joq emes bar. Bıraq jabyq. Közımmen körıp, sol taudyŋ etegındegı elmen tıldesken soŋ, deputattyq saualǧa arqau bolyp otyr" dep bastady sözın Maqsat Tolyqbai.
Ol Üşqoŋyr "Ile Alatauy parkıne qaraityndyqtan", ol aumaqty Ūlttyq parktıŋ küzetşılerı küzetu kerektıgın jäne taudy ainaldyra qorşap tastau - baryp tūrǧan bassyzdyq dep atady ol.
"Bız AMANAT partiiasy jaiylym tapşylyǧyn şeşu üşın arnaiy «Jer amanaty» komissiiasynyŋ tıkelei aralasuymen respublika boiynşa 9 million gektardan astam jer qaitarsaq, al onyŋ osy aimaqtan 1400 gektary el igılıne berıldı. Söitsek, onymyz beker eken, «amanattyq» aǧaiyn! Jūrtqa qajet jaiylym jerdıŋ bärı jaŋaǧy qorşauda qalyp qoiǧan. Osylaişa jūrttyŋ öz jerıne kırmek tügılı jaŋaǧy qaruly beketten ötuge dätı jetpei jür. Anyǧy, «DünieAgro» JŞS-ne 2004 jyly «Üşqoŋyr» üstırtınde ornalasqan jüzdegen gektar jerge menşık qūqyǧy zaŋsyz berılgen. Öitkenı, zaŋ talaptary boiynşa, (23-bap, 50-bap, 8 jäne 43-bap) arnaiy maqsattaǧy jerlerdı zaŋdy tūlǧalardyŋ jekeşelep aluyna qūqyǧy joq. Tıptı ony böluge de kelmeidı. Būl normalardy jergılıktı prokuratura jaqsy bıledı. Bıraq, jerdıŋ zaŋsyz berılu faktısı boiynşa prokuraturanyŋ talaptaryn sot qanaǧattandyrmai tastaǧan. Soraqysy da sol bolyp tūr. «Sonda Qazaqstan Respublikasynyŋ zaŋyna şekesınen qaraityn būl ne qylǧan şekten şyǧu?», – degen halyqtyŋ bazynasyna qalai jauap beremız?!" dedı ol.
Söz soŋyn ol Üşqoŋyr tauyn basqa maqsatta paidalanyp otyrǧan kompaniialardan alyp, memleketke qaitaru qajettıgın aitty:
"Būdan basqa, “Üşqoŋyr” üstırtınde «Steppe AgroMeat», «Breeding Company» siiaqty ekı-üş kompaniia 13 597 ga jerdı älı künge deiın maqsatsyz paidalanyp otyrǧany anyqtaldy. Şūǧyl qaitaru kerek! Alaida, alpauyttarmen alysuǧa äkımdık pen audan prokurorlarynyŋ pärmenı jetpei, taǧy da därmenı qūri ma degen küdık te joq emes. Sondyqtan, Almaty oblysynyŋ Qarasai audanynda bolyp jatqan zaŋsyzdyqtarǧa Bas prokuratura men Ükımet şūǧyl nazar audaryp, Arnaiy komissiia qūryp, joǧaryda men keltırgen mäselelerge tiıstı qūqyqtyq baǧa beruı tiıs dep esepteimın" dedı ol.
Būǧan deiın, Alatau bauraiyndaǧy Üşqoŋyr jailauy älı jabyq ekenı aitylǧan bolatyn. Mäjılıs deputaty Maqsat Tolyqbai qorşalǧan jerge kıre almai qaitqan edı.
Ūqsas jaŋalyqtar
