Brazılııanyń ońtústigindegi Ýbatýba qalasynda qaıǵyly oqıǵa oryn aldy. Cessna Citation bıznes-ushaǵy ushý-qoný jolaǵynan shyǵyp ketip, jaǵajaıǵa qulady. Bul týraly aqparat SHOT telegram arnasynda tarady, dep habarlaıdy “Adyrna” ulttyq portaly.
Aqparat boıynsha, ushaq Ýbatýba qalasynda ornalasqan Gastan-Madeıra áýejaıyndaǵy ushý-qoný jolaǵynan shyǵyp, qalalyq jaǵajaı mańynda apatqa ushyraǵan.
Apat saldarynan jeti adam jaraqat aldy. Onyń ishinde jaǵajaıda demalyp júrgen adamdar da bar. Alaıda áýe kemesiniń ushqyshyn qutqarý múmkin bolmady.
Bortta bes adam bolǵany rastaldy. Kýágerler ushaqtaǵy jolaýshylardy qutqaryp úlgerdi, olardyń kópshiligi balalar bolǵan.
Boljam boıynsha, áýe ushaǵy aýa raıynyń qolaısyzdyǵynan apatqa ushyraǵan.
