Vladimir Zelenskii ukrainalyq skeletonşy Vladislav Geraskevichtı eldegı joǧary memlekettık marapattardyŋ bırı – «Bostandyq» ordenımen nagradtady, dep habarlaidy "Adyrna" ūlttyq portaly.
Būl şeşım sportşy 2026 jylǧy qysqy Olimpiada oiyndary jarysyna qatysudan şettetılgennen keiın qabyldandy. Būǧan deiın Geraskevich jarys kezınde şlemın şeşuden bas tartqan. Sporttyq bas kiımde Reseidıŋ Ukrainaǧa qarsy soǧysy bastalǧaly qaza tapqan 20-dan astam ukrain sportşysynyŋ portretterı beinelengen.
Halyqaralyq bobslei jäne skeleton federasiiasy būl ärekettı ereje būzu dep baǧalap, sportşyny jarysqa jıbermedı.
Ukraina prezidentı sportşyǧa ūstanymy men batyldyǧy üşın alǧys bıldırdı. Zelenskiidıŋ aituynşa, qaza tapqandardy eske alu – ereje būzu emes, ar-namys mäselesı.
Aita keteiık, būǧan deiın ukrainalyq skeletonşy Vladislav Geraskevich İtaliiada ötıp jatqan Olimpiada oiyndarynda alǧaşqy jarys aldynda şettetılgenı turaly habarlaǧan edık.
