Qazaqstanǧa Qytaidan kelgen turister aǧyny 17 esege artty. Būǧan özara vizasyz rejimge köşu jäne elder arasynda tıkelei äue qatynasynyŋ aşyluy yqpal ettı, dep habarlaidy “Adyrna” ūlttyq portaly 24KZ saityna sılteme jasap.
Turizm ministrlıgı biyl şeteldık qonaqtardyŋ sany būdan da köp bolady dep senedı. Turisterdı tartu üşın 500 million teŋgeden astam qarjy bölınıp, turistık salyq ta alynyp tastaldy. Elımızge Qytai azamattarymen qatar Türkiia, Ündıstan jäne AQŞ azamattary da jiı kelude. Sondai-aq körşıles elderden: Özbekstan, Resei, Qyrǧyzstan jäne Täjıkstan elderınen turister sany tūraqty türde artyp keledı. “Qazaqstan turisterdı özınıŋ landşafttarymen, mädeni bailyǧymen, mädeni mūrasymen qyzyqtyrady. Şeteldıkter bızdıŋ basty qalalarymyz – Astana, Almaty, Şymkent, sondai-aq Türkıstan jäne Atyrau oblystaryna barǧandy jön köredı. Trendter tabiǧi turizm, ekoturizm salasynda. Turisterdıŋ özderı de osyǧan erekşe män beredı: «Olar ūlttyq saiabaqtarda seruendep, joryqtarǧa qatysqysy keledı», - deidı “Kazakh Tourism” ŪK” AQ ökılı Älışer Tūrsyn.”Adyrna” ūlttyq portaly
Ūqsas jaŋalyqtar
