Joǧarǧy palata deputaty qazaqstandyqtardyŋ mädenietsızdıgın synǧa aldy, dep habarlaidy “Adyrna” ūlttyq portaly.
Premer-ministr Älihan Smaiylovqa joldaǧan deputattyq saualynda ol Astanadaǧy järmeŋkede jemıs-jidek jymqyrǧan sensasiialyq jaǧdailardy jäne Almatydaǧy «şokolad aǧaşynyŋ» töŋıregındegı janjaldy eske aldy.
"Qazaqta "Qazannan qaqpaq ketse, itten ūiat ketedı" degen söz bar. Byltyr Täjıkstannyŋ jemıs-jidegıne talasqan jūrtty körıp, jaǧamyzdy ūstaǧan edık. Däl Jaŋa jyldyŋ aldynda şokolad şyrşasyn bır minutta taipap ketkenderdı de kördık. Osy videolar halyqaralyq pablikterde myŋdaǧan qaralym jinap jatyr. Sonda bızdıŋ mädeni deŋgeiımızdıŋ jetken jerı osy ma? Mūndai masqara oqiǧalardyŋ sebebıne üŋılıp kördık pe? Aş deiın deseŋız, aş emes, toq deiın deseŋız, tobyrlyq deŋgei mynau. Bügıngıdei toqşylyq zamanda osynşama toǧyşarlyqqa boi aldyratyndai küige nege tüstık?", - dedı Nūrtöre Jüsıp Senattyŋ jalpy otyrysynda.
Deputatyŋ pıkırınşe, būǧan mädeniettıŋ tömendep ketuı sebep.
"Eŋ aldymen tärbie. Elımızdegı tärbie mäselesı dūrys emes. Otbasyndaǧy tärbie dalada qaldy. "Bıreudıŋ zatyn alma, tegın bolsa da tiıspe" degen ejelgı tyiym qaida kettı? Halqymyzdyŋ "ūiat bolady, jaman bolady, obal bolady" degen üş-aq auyz sözben tüiındegen danalyǧy jelge ūşqany ma? Qazaqta körgensız degen ūǧym bar. Kez kelgen adam üşın öte auyr söz. Aq köilektıŋ jaǧasy kırlese, juyp ketıruge bolady, al ūlttyŋ atyna kır kelse, ony qalai ketıremız?
Tärbiemen qatar mädeniet dūrys boluǧa tiıs. Abaişa aitsaq, mädenietsız dünie bos. Täuelsızdık jyldarynda memleket mädeni deŋgeiımızdı köteruge, tanym tüsınıgımızdı keŋeituge baǧyttalǧan bırqatar jūmysty jürgızdı. "Mädeni mūra" baǧdarlamasymen bastalyp, "Ruhani jaŋǧyru" baǧdarlamasyna deiın jalǧasqan jūmystardyŋ barlyǧynyŋ da tüpkı maqsaty eldık sanamyzdy oiatyp, tarihi jadymyzdy qaita qalpyna keltırudı közdedı. Mūnyŋ bärı dūrys, eldıŋ damuy üşın qajet şaralar. Bıraq sonymen ıs bıttı dep otyramyz ba?", - dedı senator.
Nūrtöre Jüsıp Qazaqstan halqyna ortaq qūndylyqtar kerek degen pıkırde.
"Ädılettı Qazaqstannyŋ qūndylyqtary qandai? Qoǧam üşın qandai qūndylyqtar kerek? Aitalyq, Täuelsızdık qūndylyq. Otbasy qūndylyq. Jer, tıl, salt-dästür, mädeniet qūndylyq. Prezident "Tolyq adam, adal azamat" degen ideialardy ūsyndy. Būl da qūndylyq. Osynyŋ bärın kım jüieleidı?
Aitylǧan söz aitylǧan jerde qalmauy kerek qoi. 20 mln qazaq elıne ortaq osyndai qūndylyqtar jüiesı qaşan jasalady? Jas ūrpaq tärbiesımen mädeni deŋgeiımızdı köteru mäselesıne mūqiiat köŋıl bölmesek bolmaidy. Jabaiylyq anaiylyqqa jol aşady. Sondyqtan jalpy halyqtyŋ, äsırese jastardyŋ qūndylyq baǧdarlaryn tereŋdetıp, jūrtty eŋbekqorlyqqa, ızdenıske, ılım-bılımge bet būruǧa, äsırese, otbasy tärbiesı men mädenie tärbiege barynşa küş salu kerek dep paiymdaimyn", - dedı deputat.
Jüsıp Ükımet basşysyna tapsyrma berıp, ūlt mädenietı mäselesıne qatysty ükımettıŋ tūjyrymdamalyq közqarastaryn jan-jaqty zerdelep, jedel şaralar äzırleudı sūrady.
Ūqsas jaŋalyqtar
