Senat otyrysynda senator Andrei Lukin Qazaqstan Qaruly Küşterındegı tärtıp pen äskeri polisiianyŋ jūmysyn retteitın zaŋnamany qaita qarau qajettıgın aitty, dep habarlaidy "Adyrna" ūlttyq portaly.
Senatordyŋ sözınşe, äskeri tärtıp — eldıŋ qorǧanys qabıletınıŋ negızı.
Ol jeke qūramnyŋ moraldyq jaǧdaiyna, jauapkerşılık deŋgeiıne jäne jauyngerlık tapsyrmalardy oryndau qabıletıne tıkelei äser etedı. Alaida qazırgı qoldanystaǧy normalar zaman talabyna sai emes.
«Qabyldanyp jatqan şaralarǧa qaramastan, jüielı problemalar saqtalyp otyr. Bölımnen öz betınşe ketu, jarǧydan tys äreketter, sybailas jemqorlyq belgılerı siiaqty qūqyq būzuşylyqtar bar. Aldyn alu şaralarynyŋ tiımdılıgı tömen, äskeri polisiia, prokuratura men qolbasşylyq arasyndaǧy üilestıru älsız. Būl qūqyqtyq bazanyŋ jetkılıksızdıgın körsetedı», — dedı senator Lukin.
Ol äskeri polisiia men qolbasşylyq qyzmetın retteitın erejelerdıŋ bır bölıgı eskırgenın aityp, zaŋnamany jaŋartudy ūsyndy.
«Äskeri polisiia, qolbasşylyq jäne qūqyq qorǧau organdarynyŋ funksiialaryn naqty ajyratu qajet. Sondai-aq tärtıp būzuşylyqtardy baqylauǧa sifrlyq jüielerdı engızu, äskeri bölımnen öz erkımen ketu üşın jauapkerşılıktı qataŋdatu kerek. Būdan bölek, äskeri psihologtardy daiarlau men sertifikattau standarttaryn bekıtu jäne suisidtıŋ aldyn alu boiynşa vedomstvoaralyq baǧdarlama äzırleu maŋyzdy», — dedı deputat.
Senatordyŋ pıkırınşe, būl şaralar Qaruly Küşterdegı tärtıptı nyǧaityp qana qoimai, qoǧamnyŋ äskerge degen senımın arttyrady jäne ūlttyq qauıpsızdıktı qamtamasyz etuge yqpal etedı.
