Салтанат Нүкенованың өліміне қатысты тергеу жұмыстары аяқталды. Бұл туралы адвокат Жанна Мұхамади мәлімдеді, деп хабарлайды “Адырна” ұлттық порталы.
Алайда қорғаушы қылмыстық іске қатысты материалдарды Салтанат Нүкенованың отбасына толық көрсете алмайтынын жеткізді.
Оның айтуынша, тараптар іс материалдарымен танысқан соң және қорғаушы тараптың өтінішінен кейін іс прокуратураға шешім шығару үшін жолданады.
"Мұндай қатыгездікті, салқынқандылықты көрген емеспін. Қазіргі уақытта Салтанаттың отбасына деген құрметіміз үшін кісі өлтіру оқиғасының мән-жайын айта алмаймыз. Тараптар іс материалдарымен танысып, қорғау туралы өтініштерін бергеннен кейін іс шешім қабылдау үшін прокуратураға жіберіледі”, - деп хабарлады адвокат.
Еске салайық, Салтанат Нүкенованы өлтірді деген күдікпен экс-министр Қуандық Бишімбаев ұсталған болатын. Әйел елордадағы мейрамханада көз жұмды.
