Májilistiń búgingi jalpy otyrysynda palata tóraǵasy Erlan Qoshanov Úkimet múshelerine eskertý jasady, dep habarlaıdy “Adyrna” ulttyq portaly.
Erlan Qoshanov vedomstvo ókilderi tek qaǵazda kórsetilgen anyqtamalardy oqýmen ǵana shekteletinine shúılikti.
"Men keıbir mınıstrlik ókilderine eskertpe jasaıyn dep edim. Plenarlyq otyrysqa daıyndalyp kelý kerek. Qol astylaryńyzdaǵy adamdardyń jazyp bergen anyqtamasyn bul jerde oqý qajet emes. Bul suraqtardyń barlyǵy jumys tobynyń otyrysynda jáne komıtettiń otyrysynda talqylandy. Al bul jerge kelgende sizder ony bes saýsaqtaı bilip turýlaryńyz kerek. Men Úkimettiń ókiline de osy eskertýdi aıtamyn, Premer-mınıstrge jetkizińiz. Eger de osy jerde mınıstrliktiń daıyn emes ókilderi bolsa, oryndaryna basqa adamdar kelsin", - dep eskertý jasady Májilis tóraǵasy.
