Jetisý oblysynda áskerge attanǵanyna úsh aı bolǵan sarbaz qaıtys boldy, dep habarlaıdy «Adyrna» tilshisi Astana arnasyna silteme jasap.
Qorǵanys mınıstrligi Ámir Baıturǵanovtyń menıngıtten kenet qaıtys bolǵanyn málimdedi. Alaıda marqumnyń týystary onyń aýyryp ólgenine senbeı otyr. Aıtýlarynsha, jas jigit birneshe apta boıy búıregi aýyrǵanyna shaǵymdanyp, tıisti em qabyldamaǵan.
«Túngi saǵat 03:00-de áskerı bólimnen qońyraý shalyndy. Olar sizdiń ulyńyz es-tússiz jatyr dep habarlap, meniń bólimge dereý kelýimdi surady. Sol kúni tańǵy saǵat 06:20-da ulym esin bilmeı kóz jumdy»,— deıdi marqumnyń ákesi Murat Baıturǵanov.
Bas áskerı-medıınalyq basqarma basshysynyń orynbasary Berik Ilııasov Ámirdiń órt sóndirý jattyǵýlarynan keıin ózin nashar sezingenin, sol kúni dene qyzýy kóterilip aýrýhanaǵa túskenin aıtty.
«Keshke qaraı naýqastyń jaǵdaıy nasharlady. Dene temperatýrasy ekstremaldy deńgeıge deıin kóterildi. Osydan keıin naýqas ortalyq oblystyq aýrýhanaǵa jetkizildi. Sot-medıınalyq saraptamanyń qorytyndysyna sáıkes, ólimniń aldyn ala sebebi jedel juqpaly aýrý, menıngıt ekeni anyqtaldy»,—dedi ol.
Sarbazdyń týysqandary ólimniń bul nusqasyna senbeıtinderin jetkizdi.
Buǵan deıin ol búırek aýrýy boıynsha medıınalyq bólimshege birneshe ret júgingen. 28 qarashada ýltradybystyq zertteý júrgizý úshin bólimniń medıınalyq qyzmet basshysyna habarlasqan. Tek 6 jeltoqsanda olar qalaǵa baryp,ÝDZ-ge túsip, eki jaqty pıelonefrıt dıagnozyn qoıdy. Ony sol kúni-aq birden áskerı gospıtalǵa jatqyzǵanymen, 3 kúnnen keıin shyǵaryp jiberdi»,—dep túsindirdi Murat Baıturǵanov.
Týystary jas jigit sozylmaly pıelonefrıtten kóz jumdy eseptep otyr. Alaıda Qorǵanys mınıstrligi búırek aýrýy men ólim arasyndaǵy baılanysty joqqa shyǵarady.
«5 jeltoqsanda jasalǵan sot-medıınalyq derekterge sáıkes jáne aýrýdyń tarıhyn zertteı kele, ólim sebebi arasynda esh baılanys joqtyǵyn kórsetedi»,—dedi Berik Ilııasov.
Marqumnyń ákesi Bas prokýratýraǵa tergeý barysyn erekshe baqylaýǵa alýdy surady.
