2024 jylǵy 1 qańtardan bastap gazben júretin avtokólikterge arnaıy belgi japsyrý mindeti engizildi, dep habarlaıdy “Adyrna” ulttyq portaly.
1 qańtardan bastap Qazaqstanda gaz ballon jabdyǵy bar kólikterge arnaıy belgi ornatý qajet. Belgi qara jıegi jáne "GAS" jazýy bar sary teńbúıirli úshburysh bolady.
Arnaıy belgi jabyq parkıngke kirgen kezde kólikterdi ońaı ajyratýǵa jáne tıimdi baqylaýǵa kómektesedi.
Gazben júretin, biraq kóliginde "GAS" belgisi joq júrgizýshilerge 3 AEK (2024 jyly 11 076 teńge) aıyppul salynady.
Saýda mınıstrliginiń aqparatynsha, elimizde gaz ballon jabdyǵy ornatylǵan 380 myńnan astam avtokólik tirkelgen.
