2024 жылғы 1 қаңтардан бастап газбен жүретін автокөліктерге арнайы белгі жапсыру міндеті енгізілді, деп хабарлайды “Адырна” ұлттық порталы.
1 қаңтардан бастап Қазақстанда газ баллон жабдығы бар көліктерге арнайы белгі орнату қажет. Белгі қара жиегі және "GAS" жазуы бар сары теңбүйірлі үшбұрыш болады.
Арнайы белгі жабық паркингке кірген кезде көліктерді оңай ажыратуға және тиімді бақылауға көмектеседі.
Газбен жүретін, бірақ көлігінде "GAS" белгісі жоқ жүргізушілерге 3 АЕК (2024 жылы 11 076 теңге) айыппұл салынады.
Сауда министрлігінің ақпаратынша, елімізде газ баллон жабдығы орнатылған 380 мыңнан астам автокөлік тіркелген.
