Memleket basshysy Qasym-Jomart Toqaev «Balalarǵa arnalǵan ulttyq qor» jobasyna qol qoıdy, dep habarlaıdy “Adyrna” ulttyq portaly.
Aqparatqa sáıkes, «Balalarǵa arnalǵan ulttyq qor» jobasy boıynsha alǵashqy tólemder 2024 jyldyń 1 aqpanynan bastap balalardyń esepshotyna túsedi. 1 qańtardan bastap 18 jasqa deıingi barlyq qazaqstandyqtar úshin jınaq shot ashylady. Ulttyq qordyń ınvestıııalyq kirisiniń 50 paıyzy jyl saıyn osy shottarǵa aýdarylady.
Sondaı-aq, bala 18 jasqa tolǵannan keıin shottaǵy qarajat 10 jyl boıy saqtalady. Eger azamat osy ýaqyt ishinde olardy paıdalanbasa, qarajat onyń zeınetaqy shotyna aýdarylady. Ol jınalǵan aqshaǵa bilim alýǵa, baspana satyp alýǵa quqyly.
Qarjy mınıstrliginiń esebi boıynsha, 18 jylda balanyń shotyna 3500 dollar jınalady. Bir jylda shotqa ortasha somada 150-160 dollardy túsedi.
Ulttyq qordan ınfraqurylymdyq jobalar neǵurlym kóp qarjylandyrylsa, balalarǵa arnalǵan qorǵa soǵurlym az qarajat beriledi.
