Aqtöbe oblysynda jol jöndeuge bölıngen 70 million teŋgenı ūrlau ısı boiynşa ükımnıŋ küşı joiyldy, dep habarlaidy “Adyrna” portaly “Diapazon" saityna sıltep.
«Alǧaşynda ekı aiyptaluşy aqtalyp, keiın ükım būzylyp, olarǧa 6 jyl bas bostandyǧynan aiyru jazasy taǧaiyndaldy, al jaqynda Joǧarǧy sot qylmystyq kollegiia ükımın būzyp, ıstı jaŋadan sot talqylauyna qaitardy», - delıngen materialda.
2019 jyly «Bazis» JŞS Qobda-Martūq jolyn jöndeu boiynşa tenderdı jeŋıp aldy. «DosDanai» JŞS merdıgerge jūmys üşın qūral-jabdyqtar men materialdardy jetkızıp berdı. Būl kompaniianyŋ negızın qalauşy Mhitar Manukian men direktory Mirjan Esenov sot otyrysyna qatysty.
«Manukian alaiaqtyq jasap, oǧan Esenov kömektestı, memleketke 70 million teŋge şyǧyn keltırıldı. Bırınşı satydaǧy sot ıs boiynşa köptegen zaŋbūzuşylyqtardy anyqtap, qate sifrlarmen eseptelgen qūrylysşylarǧa Qobda-Martūq jolyn jöndeuge asfalt pen qarajat jetpei, merdıgerdıŋ kömekşılerıne zaŋsyz türde biudjet aqşasyn jymqyrdy degen aiyp taǧylǧan. Sonymen qatar, sotta Jolauşylar kölıgı jäne avtomobil joldary basqarmasynyŋ eks-basşysy Mälımbet İbraşov smetaǧa şynymen qate derekter engızılgenın, sol sebeptı keibır jūmys türlerın özgertuge tura keletının, mūnyŋ bärı aldyn-ala tapsyrys beruşı men merdıger arasynda kelısılgenın aitty», - delıngen aiyptauda.
Qylmystyq ıster jönındegı kollegiia sudialary bırınşı satydaǧy sottyŋ aqtau ükımın būzyp, «DosDanai» kompaniiasynyŋ direktory men qūryltaişysy alaiaqtyqqa kınälı dep tauyp, 6 jylǧa bas bostandyǧynan aiyryldy.
«Äŋgıme mūnymen bıtpedı. Sot ükımıne kassasiialyq şaǧym tüsırılıp, 70 millionnyŋ ūrlanǧany turaly ıstı Joǧarǧy sot sudialary qarap ülgergen. Olar kütpegen şeşımge keldı. Joǧarǧy Sot oblystyq sottyŋ qylmystyq kollegiiasynyŋ qūramynda būl ıstı būryn advokattyŋ Manukianǧa qatysty būltartpau şarasyn özgertu turaly şaǧymyn qaraǧan sudia jürgızgenın anyqtady. Būl sudianyŋ bırınşı satydaǧy sottyŋ ükımıne apelliasiialyq şaǧymdy qarauǧa qatysqan sot alqasynyŋ qūramynda boluǧa qūqyǧy joq. Osyny negızge ala otyryp, Joǧarǧy sot Aqtöbe oblystyq sotynyŋ ükımın būzyp, sol instansiiaǧa jaŋadan qarauǧa qaitardy», - dep jazady Diapazon.
