Aqtóbe oblysynda jol jóndeýge bólingen 70 mıllıon teńgeni urlaý isi boıynsha úkimniń kúshi joıyldy, dep habarlaıdy “Adyrna” portaly “Dıapazon" saıtyna siltep.
«Alǵashynda eki aıyptalýshy aqtalyp, keıin úkim buzylyp, olarǵa 6 jyl bas bostandyǵynan aıyrý jazasy taǵaıyndaldy, al jaqynda Joǵarǵy sot qylmystyq kollegııa úkimin buzyp, isti jańadan sot talqylaýyna qaıtardy», - delingen materıalda.
2019 jyly «Bazıs» JShS Qobda-Martuq jolyn jóndeý boıynsha tenderdi jeńip aldy. «DosDanaı» JShS merdigerge jumys úshin qural-jabdyqtar men materıaldardy jetkizip berdi. Bul kompanııanyń negizin qalaýshy Mhıtar Manýkıan men dırektory Mırjan Esenov sot otyrysyna qatysty.
«Manýkıan alaıaqtyq jasap, oǵan Esenov kómektesti, memleketke 70 mıllıon teńge shyǵyn keltirildi. Birinshi satydaǵy sot is boıynsha kóptegen zańbuzýshylyqtardy anyqtap, qate ıfrlarmen eseptelgen qurylysshylarǵa Qobda-Martuq jolyn jóndeýge asfalt pen qarajat jetpeı, merdigerdiń kómekshilerine zańsyz túrde bıýdjet aqshasyn jymqyrdy degen aıyp taǵylǵan. Sonymen qatar, sotta Jolaýshylar kóligi jáne avtomobıl joldary basqarmasynyń eks-basshysy Málimbet Ibrashov smetaǵa shynymen qate derekter engizilgenin, sol sebepti keıbir jumys túrlerin ózgertýge týra keletinin, munyń bári aldyn-ala tapsyrys berýshi men merdiger arasynda kelisilgenin aıtty», - delingen aıyptaýda.
Qylmystyq ister jónindegi kollegııa sýdıalary birinshi satydaǵy sottyń aqtaý úkimin buzyp, «DosDanaı» kompanııasynyń dırektory men quryltaıshysy alaıaqtyqqa kináli dep taýyp, 6 jylǵa bas bostandyǵynan aıyryldy.
«Áńgime munymen bitpedi. Sot úkimine kassaııalyq shaǵym túsirilip, 70 mıllıonnyń urlanǵany týraly isti Joǵarǵy sot sýdıalary qarap úlgergen. Olar kútpegen sheshimge keldi. Joǵarǵy Sot oblystyq sottyń qylmystyq kollegııasynyń quramynda bul isti buryn advokattyń Manýkıanǵa qatysty bultartpaý sharasyn ózgertý týraly shaǵymyn qaraǵan sýdıa júrgizgenin anyqtady. Bul sýdıanyń birinshi satydaǵy sottyń úkimine apellıaııalyq shaǵymdy qaraýǵa qatysqan sot alqasynyń quramynda bolýǵa quqyǵy joq. Osyny negizge ala otyryp, Joǵarǵy sot Aqtóbe oblystyq sotynyń úkimin buzyp, sol ınstanııaǵa jańadan qaraýǵa qaıtardy», - dep jazady Dıapazon.
