İspaniiadan Qazaqstanǧa anasyn ızdep kelgen Mūrat Sevalev Qazaqstanǧa qaita oralatynyn aityp, Tailandqa ūşyp kettı, dep jazady “Adyrna” tılşısı. Būl turaly ol özınıŋ Instagram paraqşasynda bölıstı.
Jazbasynda ol qazaqstandyqtarǧa qonaqjailylyǧy jäne şynaiy janaşyrlyǧy üşın alǧysyn bıldırıp vizasynyŋ uaqyty aiaqtalyp, tuǧan jerden ketuı kerek ekenın atap öttı.
”Bıraq men jaqynda oralamyn. Men tuǧan anamdy ızdeu jūmysyn toqtatpaimyn. Keşe Qazaq radiosynyŋ «Barmysyŋ, bauyrym?» habarynyŋ redaksiiasyna menıŋ atymnan sot otyrysyna qatysuǧa, maǧan qatysty kez kelgen mälımetke qol jetkızuge, menıŋ atymnan aryz, ötınış, şaǧym jazuǧa zaŋ boiynşa tolyq rūqsat berdım. Qazaqstanǧa kelgelı qanşalyqty emosionaldy küide bolǧanymdy kördıŋızder, men üşın tym auyr künder boldy. Nätijesınde men özıme bıraz uaqyt böludı jön kördım, sondyqtan İspaniiaǧa bırden qaitpaimyn, bırer kün Tailandta bolamyn” dep jazdy ol.
Mūrattyŋ mūratyna jetuıne kömektesken Qazaq radiosynyŋ “Barmysyŋ, bauyrym?” baǧdarlamasyna alǧysyn aitty:
“Qazaq radiosynyŋ «Barmysyŋ, bauyrym?» habary arqyly 2002 jylǧy qaŋtarda Arqalyq qalasynyŋ perzenthanasyna ūlyn tastap, qolhat jazyp ketken, arhivtık resmi qūjattar negızınde menıŋ tuǧan anam bolyp sanalatyn äiel tabyldy. Ol äielge qazır redaksiia ekınşı ret DNQ saraptamasyn jasap jatyr. @kymbatdoszhan & @asel_asqarqyzy sızder ızdei berıŋızder! Alda köp jaŋalyq bolady dep senemın, - dep jazdy Mūrat.
Ūqsas jaŋalyqtar
