يسپانيادان قازاقستانعا اناسىن ىزدەپ كەلگەن مۇرات سەۆالەۆ قازاقستانعا قايتا ورالاتىنىن ايتىپ، تايلاندقا ۇشىپ كەتتى، دەپ جازادى “ادىرنا” ءتىلشىسى. بۇل تۋرالى ول ءوزىنىڭ Instagram پاراقشاسىندا ءبولىستى.
جازباسىندا ول قازاقستاندىقتارعا قوناقجايلىلىعى جانە شىنايى جاناشىرلىعى ءۇشىن العىسىن ءبىلدىرىپ ۆيزاسىنىڭ ۋاقىتى اياقتالىپ، تۋعان جەردەن كەتۋى كەرەك ەكەنىن اتاپ ءوتتى.
”بىراق مەن جاقىندا ورالامىن. مەن تۋعان انامدى ىزدەۋ جۇمىسىن توقتاتپايمىن. كەشە قازاق راديوسىنىڭ «بارمىسىڭ، باۋىرىم؟» حابارىنىڭ رەداكتسياسىنا مەنىڭ اتىمنان سوت وتىرىسىنا قاتىسۋعا، ماعان قاتىستى كەز كەلگەن مالىمەتكە قول جەتكىزۋگە، مەنىڭ اتىمنان ارىز، ءوتىنىش، شاعىم جازۋعا زاڭ بويىنشا تولىق رۇقسات بەردىم. قازاقستانعا كەلگەلى قانشالىقتى ەموتسيونالدى كۇيدە بولعانىمدى كوردىڭىزدەر، مەن ءۇشىن تىم اۋىر كۇندەر بولدى. ناتيجەسىندە مەن وزىمە ءبىراز ۋاقىت ءبولۋدى ءجون كوردىم، سوندىقتان يسپانياعا بىردەن قايتپايمىن، بىرەر كۇن تايلاندتا بولامىن” دەپ جازدى ول.
مۇراتتىڭ مۇراتىنا جەتۋىنە كومەكتەسكەن قازاق راديوسىنىڭ “بارمىسىڭ، باۋىرىم؟” باعدارلاماسىنا العىسىن ايتتى:
“قازاق راديوسىنىڭ «بارمىسىڭ، باۋىرىم؟» حابارى ارقىلى 2002 جىلعى قاڭتاردا ارقالىق قالاسىنىڭ پەرزەنتحاناسىنا ۇلىن تاستاپ، قولحات جازىپ كەتكەن، ارحيۆتىك رەسمي قۇجاتتار نەگىزىندە مەنىڭ تۋعان انام بولىپ سانالاتىن ايەل تابىلدى. ول ايەلگە قازىر رەداكتسيا ەكىنشى رەت دنق ساراپتاماسىن جاساپ جاتىر. @kymbatdoszhan & @asel_asqarqyzy سىزدەر ىزدەي بەرىڭىزدەر! الدا كوپ جاڭالىق بولادى دەپ سەنەمىن، - دەپ جازدى مۇرات.
