Almatyda avtobýs júrgizýshisine qol kótergen er adam eki aıǵa qamaldy. Bul týraly Almaty qalasy sotynyń baspasóz qyzmeti málimdedi, dep habarlaıdy “Adyrna” ulttyq portaly.
«Sot qaýlysymen sotqa deıingi tergep-tekserý organynyń ótinishhaty qanaǵattandyryldy, kúdikti A.-ny 2 aı qamaýda ustaý túrindegi bultartpaý sharasy sankııalandy», - delingen sot taratqan aqparatta.
Aıta keteıik, 22 jeltoqsanda keshke №47 avtobýstyń jolaýshysy janjal kezinde júrgizýshi áıeldi urǵan, sonyń saldarynan kólik júrgizýshisi esin joǵaltyp, kólikti basqara almaı qalǵan. Baqylaýdan shyǵyp ketken qoǵamdyq kólik aıaldamada turǵan adamdardy qaǵyp, tórt kólikpen soqtyǵysqan bolptyn.
Oqıǵa saldarynan úsh adam qaza taýyp, taǵy 4 adam dene jaraqatyn aldy.
