Chehiianyŋ Praga qalasynda ornalasqan Karlov universitetınde atys boldy, dep habarlaidy «Adyrna» tılşısı euronews-ke sılteme jasap.
Qalalyq polisiia basqarmasy şabuyl jasaǧan adamnyŋ öz-özın atyp öltırgenın mälımdedı. 15 adam qaza tauyp, 25-ı jaraqat aldy. Därıgerlerdıŋ aituynşa, 11 adamnyŋ jaǧdaiy auyr.
«Qaiǧyly oqiǧa filosofiia fakultetınıŋ maŋynda boldy. Oqu ornynan adamdar evakuasiialandy. Qazır oq jaudyrǧan adamnyŋ sybailastary bar-joǧy tekserılıp jatyr»,—delıngen habarlamada.
Cheh äleumettık jelılerınde qylmysty jasady degen er adamnyŋ suretı jariialanyp jatyr. Ol 24 jastaǧy student David Kozak bolyp şyqqan. Er adam aldymen ǧimaratqa, keiın basqa studentter jasyrynuǧa tyrysqan şatyrǧa oq jaudyrǧan.
Aita keteiık, el bilıgı oq jaraqatynan köptegen adamnyŋ qaza tabuyna bailanysty 23 jeltoqsandy memlekettık qaraly kün dep jariialady. Būl turaly Chehiianyŋ premer-ministrı Petr Fiala mälımdedı.
