Memleket basshysy qoldaǵan Almatydaǵy Memlekettik basqarý júıesin ortalyqsyzdandyrý aýdandyq ákimdik jumysynyń tıimdiligin edáýir arttyryp, qala turǵyndarynyń ózekti máselesin sheshýdi jedeldetti, dep habarlady Almaty ákimi Erbolat Dosaev OKQ brıfınginde.
«2023 jyldyń 1 sáýirinen aýdandyq deńgeıge 15 fýnkııa berildi. 8 aýdannyń bıýdjeti 2022 jyly 51,6 mlrd.teńgeden 2023 jyldyń 1 jeltoqsandaǵy jaǵdaı boıynsha 162,9 mlrd. teńgege deıin 3 eseden asa ulǵaıtyldy. Ortalyqsyzdandyrý aıasynda aýdan ákimdikteri bıylǵy jyldyń 11 aıynda 326 myń m2 jol tósemin jóndedi. 177 shaqyrym sýmen jabdyqtaý jáne káriz taratý jelileri salyndy», — dedi Erbolat Dosaev.
Sonymen qatar balalardy qoldaý baǵdarlamasyn júzege asyrý jalǵasýda. Tegin úıirmelerge barý úshin 90 myńǵa jýyq vaýcher berildi. Sonyń ishinde 47 213 - shyǵarmashylyq tapsyrysqa jáne 42 691 - sport úıirmesine. Qala ákiminiń 2024 jyly 8 aýdannyń bıýdjeti taǵy 20,5%-ǵa ósip, 196,4 mlrd. teńgege jetetinin aıtty.
