Almatyda «River Park» tūrǧyn üi keşenınıŋ tūrǧyndary jauapkerşılıkke tartyldy, "Adyrna" tılşısı.
Polisiia tūrǧyn üi keşenın jylumen qamtamasyz etudı talap etıp, joldy jauyp tastaǧan «River Park» tūrǧyn üi keşenınıŋ tūrǧyndaryn jauapkerşılıkke tartty.
23 jeltoqsan qarsaŋynda Almatydaǧy «River Park» tūrǧyn üi keşenınıŋ ondaǧan tūrǧyny Maqataev köşesın jauyp, üilerın qalypty jylytumen qamtamasyz etudı talap etken.
Būǧan deiın tūrǧyndar qala qūrylysyn basqaru basqarmasyna ündeu jasaǧan. Narazylyqtan keiın basqarma qūrylys kompaniiasyn sotqa bergen.
«Bızdıŋ üilerımız gazben jylytylady dep josparlanǧan, bıraq äzırge gaz qosylǧan joq. Eger qazır elektr qūrylǧylaryn qosa bastasaq, onda elektr jelısıne salmaq tüsedı», – dedı tūrǧyndar.Polisiia būl joly joldy japqan tūrǧyndardy qoǧamdyq tärtıptı būzdy dep jauapkerşılıkke tartqan.
«Almatyda «River Park» tūrǧyn üi keşenınıŋ tūrǧyndary jyludy qosu talaptarymen Maqataev köşesın jauyp tastady. Osylaişa būl azamattar qoǧamdyq tärtıptı būzyp, basqa azamattarǧa qolaisyzdyq tuǧyzdy. Osyǧan bailanysty tört azamatqa qatysty polisiia qyzmetkerınıŋ zaŋdy talabyna baǧynbaǧany üşın Äkımşılık qūqyq būzuşylyq turaly kodekstıŋ 667-baby boiynşa äkımşılık hattamalar toltyryldy. Aksiianyŋ basqa toǧyz qatysuşysy kölık qūraldarynyŋ jürısıne kedergı jasaǧany üşın Kodekstıŋ 614-baby boiynşa äkımşılık jauapkerşılıkke tartyldy. Esterıŋızge sala keteiık, zaŋsyz narazylyq aksiialaryn ūiymdastyru jäne ötkızu äkımşılık jäne qylmystyq jauapkerşılıkke äkep soǧady», – dedı QR IIM ÄPK töraǧasy Qaisar Sūltanbaev.
Ūqsas jaŋalyqtar
