Almatyda «River Park» turǵyn úı kesheniniń turǵyndary jaýapkershilikke tartyldy, "Adyrna" tilshisi.
Polıııa turǵyn úı keshenin jylýmen qamtamasyz etýdi talap etip, joldy jaýyp tastaǵan «River Park» turǵyn úı kesheniniń turǵyndaryn jaýapkershilikke tartty.
23 jeltoqsan qarsańynda Almatydaǵy «River Park» turǵyn úı kesheniniń ondaǵan turǵyny Maqataev kóshesin jaýyp, úılerin qalypty jylytýmen qamtamasyz etýdi talap etken.
Buǵan deıin turǵyndar qala qurylysyn basqarý basqarmasyna úndeý jasaǵan. Narazylyqtan keıin basqarma qurylys kompanııasyn sotqa bergen.
«Bizdiń úılerimiz gazben jylytylady dep josparlanǵan, biraq ázirge gaz qosylǵan joq. Eger qazir elektr qurylǵylaryn qosa bastasaq, onda elektr jelisine salmaq túsedi», – dedi turǵyndar.
Polıııa bul joly joldy japqan turǵyndardy qoǵamdyq tártipti buzdy dep jaýapkershilikke tartqan.
«Almatyda «River Park» turǵyn úı kesheniniń turǵyndary jylýdy qosý talaptarymen Maqataev kóshesin jaýyp tastady. Osylaısha bul azamattar qoǵamdyq tártipti buzyp, basqa azamattarǵa qolaısyzdyq týǵyzdy. Osyǵan baılanysty tórt azamatqa qatysty polıııa qyzmetkeriniń zańdy talabyna baǵynbaǵany úshin Ákimshilik quqyq buzýshylyq týraly kodekstiń 667-baby boıynsha ákimshilik hattamalar toltyryldy. Akııanyń basqa toǵyz qatysýshysy kólik quraldarynyń júrisine kedergi jasaǵany úshin Kodekstiń 614-baby boıynsha ákimshilik jaýapkershilikke tartyldy. Esterińizge sala keteıik, zańsyz narazylyq akııalaryn uıymdastyrý jáne ótkizý ákimshilik jáne qylmystyq jaýapkershilikke ákep soǵady», – dedi QR IIM ÁPK tóraǵasy Qaısar Sultanbaev.
