19 jeltoqsanda Tashkentte Katar Ámiri sheıh Tamım ben Hamad ál Tanı taǵaıyndaǵan Sybaılas jemqorlyqqa qarsy kúres halyqaralyq syılyǵyn tabys etýdiń resmı rásimi ótti, dep habarlaıdy "Adyrna" ulttyq portaly fergana agenttigine siltep.
Saltanatty sharaǵa Ózbekstanǵa jumys saparymen kelgen Katar Ámiri, Birikken Ulttar Uıymynyń (BUU) ókilderi, 40-tan astam eldiń delegaııalary jáne jańa halyqaralyq syılyqtyń barlyq laýreattary qatysty.
«Sybaılas jemqorlyqqa qarsy kúrestegi jetistikteri úshin» nomınaııasynda syılyq Transparency International halyqaralyq uıymynyń burynǵy tóraǵasy Hose Karlos Ýgas Sanches Morenoǵa (Perý) berildi.
Sıngapýr Ulttyq ýnıversıtetiniń professory Djon Kýa (Sıngapýr) men Zagreb ýnıversıtetiniń professory Sýnchana Roksandıch (Horvatııa) «Zertteý jáne bilim berý» úshin marapattaldy.
«Sybaılas jemqorlyqqa qarsy kúrestegi jastar shyǵarmashylyǵy úshin» marapattary Youth4IntegrityBuilding (Kenııa) - dırektory Damarıs Asva jáne All4Integrity (Portýgalııa) - negizin qalaýshy Andre Korrea D'Almeıda úkimettik emes uıymdaryna tabys etildi.
«Innovaııalar jáne jýrnalıstik zertteý» nomınaııasynda tergeýshi-korrespondent Kler Rıýkasl-Braýn (Ulybrıtanııa) jáne Ulybrıtanııanyń halyqaralyq damý departamentiniń sybaılas jemqorlyqqa qarsy is-qımyl departamentiniń burynǵy basshysy Fıl Meıson jeńimpaz atandy.
«Sportty sybaılas jemqorlyqtan qorǵaý» nomınaııasynda marapattar jýrnalıst jáne VVS júrgizýshisi Vaıhıga Mvaýraǵa (Kenııa) jáne Ortalyq Eýropa jańalyqtar agenttiginiń redaktory Shantaný Gýha Reıge (Úndistan) berildi.
«Jemqorlyqpen kúresý – ar-ojdany taza árbir adamnyń, árbir demokratııalyq qoǵam men memlekettiń qasıetti boryshy», - dedi Shavkat Mırzııoev marapattaý rásiminde sóılegen sózinde.
Prezıdent «Sybaılas jemqorlyq – búkil adamzattyń, barlyq qoǵamnyń negizderine nuqsan keltiretin, ekonomıkaǵa nuqsan keltiretin, zań ústemdigi qaǵıdattaryn buzatyn jáne halyqtyń memlekettik saıasatqa senimin kúrt tómendetetin, demokratııalyq ınstıtýttardyń damýyna kedergi keltiretin qaýip» dep atap kórsetti.
Mırzıeev «Jańa Ózbekstanda demokratııalyq reformalar qaıtymsyz sıpatqa ıe bolyp kele jatqanyn, sonymen qatar óz aldylaryna sybaılas jemqorlyqpen kúres salasynda úlken josparlar men mindetter qoıǵanyn» aıtty.
