«Chinovnik» Telegram arnasy Mumbai portynda qazaqstandyq FlyArystan ūşaǧy Air India ūşaǧymen soqtyǧysyp qala jazdaǧanyn jazdy, dep habarlaidy, “Adyrna” portaly.
Mumbaidan Almatyǧa ūşqan qazaqstandyq äue kompaniiasynyŋ ekipajy apatty jaǧdaidan aman qalǧan. Flyarystan ūşaǧy äuejaiǧa qonarda şatasyp, ūşuǧa bet alǧan Air India ūşaǧynyŋ jolaǧyna qarai būrylǧan.
«Ündı ūşaǧy ūşu-qonu jolaǧynda dereu toqtauǧa mäjbür boldy. Apattyŋ aldyn alyp, keiın ekı ūşaq ta baratyn äuejailaryna ūşyp kettı. Ündıstannyŋ aviasiialyq bilıgı oqiǧany aviasiialyq apatty oqiǧa dep tanyp, tergeudı bastady», - delıngen habarlamada.
Jaǧdaiǧa qatysty FlyArystan kompaniiasy jauap berdı:
«Bız 2024 jyldyŋ 22 aqpanynda FlyArystan KC7858 Mumbai – Almaty reisı ūşar aldynda bolǧan oqiǧadan habardarmyz. Äue kompaniiasy Chhatrapati Şivadji halyqaralyq äuejaiynda bolǧan oqiǧany egjei-tegjeilı tekseru aiasynda faktılerdı anyqtaumen ainalysuda», - dep habarlady äue kompaniiasy.
Ūqsas jaŋalyqtar
