Pavlodar oblysynda jylqylardy qaqqan kölık jürgızuşısı qaza tapty, dep habarlaidy "Adyrna" ūlttyq portaly KazTAG agenttıgıne sılteme jasap.
Jol apaty Novosibir oblysymen şekaraǧa 10 şaqyrym qalǧan jerde oryn alǧan.
«Volkswagen avtokölıgınıŋ jürgızuşısı tüngı uaqytta kölık basqaruyn joǧaltyp, ekı jylqyny qaqqan. Ary qarai kölık orǧa audarylǧan. Jürgızuşı oqiǧa ornynda qaitys boldy. Jol apaty faktısı boiynşa qylmystyq ıs qozǧaldy», – dep jeksenbı künı Pavlodar oblysy polisiia departamentı habarlady.
Jylqylardyŋ iesı anyqtaldy.
Zaŋgerlerdıŋ aituynşa maldyŋ qatysuymen jol apaty bolǧan jaǧdaida moraldyq jäne materialdyq şyǧyndy şarua öteuı kerek.
Būǧan deiın Qarajanbas-Aqtau tas jolynda mūnai kompaniiasynyŋ qyzmetkerlerın tasymaldap bara jatqan şaǧyn avtobus jylqyny qaǧyp, tört adamnyŋ jaraqat alǧany turaly jazǧan edık.
Auylda qalyptasqan täjıribege süiensek, tünde jolda jylqy körıngende jaryqty azaitu kerek. Tıptı qajet bolǧan jaǧdaida öşırgen abzal. Kölık jürgızuşıler mūny bılmegendıkten jylqyny ürkıtem dep odan saiyn jaryqty küşeitıp jıberedı. Mūndai jaǧdaida jylqy köbelek siiaqty jaryqqa qarsy jügıredı.
Osyǧan orai jol jüru kezınde januarlardan saqtanu joldaryn ūsynamyz:
- Rölde otyrǧanda aldymen qauıpsızdık beldıgın taǧyp, jaryqşamdardy tazalap, ūiqyny qandyryp alu qajet.
- Januarlar jaily belgı beretın jerde jyldamdyqty barynşa azaitqan dūrys. Mamandardyŋ aituynşa, januarlar mekendeitın aumaqta eŋ joǧarǧy jyldamdyq 90km/saǧ. boluy kerek. Kenetten aldyŋyzdan januar şyǧyp qalsa, osy jyldamdyqtaǧy kölıktı toqtatu nemese januardy ainalyp ötu oŋaiyraq bolady.
- Januarlar belgısı bar jerde jürıp kele jatqanda jol jiekterın mūqiiat baqylap otyru qajet. Sonymen qatar, joldan közdı almau kerek.
Ūqsas jaŋalyqtar
