Jambyl oblysynda aýa raıynyń nasharlaýyna baılanysty tótenshe jaǵdaı jarııalandy. Óńirde qar men boranǵa, sondaı-aq temperatýranyń kúrt tómendeýine baılanysty joldar jabyldy. Qazir jeldiń ekpini sekýndyna 45 metrge jetti. Bul týraly oblys ákimdiginiń baspasóz qyzmeti aıtty, dep habarlaıdy «Adyrna» tilshisi.
«Batys Eýropa-Batys Qytaı» dálizi boıyndaǵy «Taraz-Almaty» baǵyty boıynsha respýblıkalyq mańyzy bar avtomobıl joldary men oblystyq mańyzy bar joldar jabyldy. Magıstraldarda qar qursaýynda qalyp qoıǵan kólikter áli de bar. Sany týraly aqparat naqtylanýda. Shý aýdanynda qatty jel men dymqyl qardyń saldarynan elektr jelileri úzilip, tirek baǵanalary qulaǵan.
«Tótenshe jaǵdaıǵa baılanysty "Shý Otar" ýchaskesinde 11 jolaýshylar poıyzy toqtap tur, olardyń árqaısysynda ortasha eseppen 500-700 adam bar. Jolǵa shyǵýdy kútip turǵan 12 júk poıyzy tur. Oblystyń 4 aýdanyndaǵy 32 eldi mekende 8 882 abonent jaryqsyz qaldy», - delingen habarlamada.
Shuǵyl kómek telefony 8 7262 513575, 51 41 67.
Eske salaıyq, Jambyl oblysynda tamyz aıynda qýańshylyqqa baılanysty da tótenshe jaǵdaı jarııalanǵan edi.
