Astanada 14 jeltoqsan kúni qalanyń barlyq kásipkerlik sýbektileri úshin ashyq esik kúni ótedi, dep habarlaıdy «Adyrna» ulttyq portaly Elorda ákimdiginiń resmı saıtyna silteme jasap.
Is-shara aıasynda Qazaqstan Respýblıkasy eńbek zańnamasynyń jekelegen normalary jáne www.hr.enbek.kz portalynda jumys isteý tártibi túsindiriledi. Sondaı-aq portalǵa eńbek sharttaryn esepke alýdyń biryńǵaı júıesine kásipkerlerdiń qaramaǵyndaǵy qyzmetkerlerdiń derekterin engizýge bolady.
Elorda ákimdiginiń uıymdastyrýymen ótetin ashyq esik kúni 14 jeltoqsanynda saǵat 09:00-den 18:00-ge deıin Beıbitshilik kóshesi, 9-ǵımarat, 326-kabınet mekenjaıynda ótedi.
Barlyq suraqtar boıynsha 8 7172 55 68 90, 87754008002 telefondary arqyly habarlasý qajet.
Aıta keteıik, 2020 jylǵy 13 mamyrda Qazaqstan Respýblıkasynyń Eńbek kodeksine ózgerister engizildi (23-baby 2–tarmaǵynyń 27) tarmaqshasy) – jumys berýshiniń qyzmetkermen eńbek shartyn jasasý jáne toqtatý týraly aqparatty eńbek sharttaryn esepke alýdyń biryńǵaı júıesine engizý jónindegi mindeti engizildi.
«Adyrna» ulttyq portaly
