Túrkııa Azovstalden Ýkraına jaýyngerlerin evakýaııalaý úshin keme jiberýge daıyn

1781
Adyrna.kz Telegram
Foto: mk-turkey.ru
Foto: mk-turkey.ru

Ankara «Marıýpol Azovstal» zaýytynan ýkraın ultshyldary men beıbit turǵyndardy evakýaııalaý úshin keme jiberýge daıyn. Bul týraly senbi kúni Túrkııa prezıdentiniń resmı ókili Ibragım Kalyn Reuters agenttigine bergen suhbatynda málimdedi, dep habarlaıdy “Adyrna” ulttyq portaly.

«Jospar boıynsha «Azovstal» iri metallýrgııalyq zaýytynan evakýaııalanǵan adamdar qurlyq arqyly Marıýpol sııaqty Azov teńizinde ornalasqan Berdıansk portyna jetkiziledi. Al túrik kemesi olardy Stambýlǵa Qara teńiz arqyly ótkizedi. Eger muny osylaı jasaýǵa bolatyn bolsa, biz muny qýana jasaımyz, biz daıynbyz. Negizinde, bizdiń keme jaralanǵan sarbazdar men basqa da beıbit turǵyndardy Túrkııaǵa jetkizýge daıyn», - dedi Rejep Taıyp Erdoǵannyń baspasóz hatshysy.

Buǵan deıin Ýkraına premer-mınıstriniń orynbasary Irına Vereýk Kıevtiń Azovstaldan evakýaııa qalaı ótetini týraly qujatqa qol qoıýǵa nıetti ekenin málimdegen. Onyń aıtýynsha, evakýaııanyń jol kartasy boıynsha kelissózderdiń jańa raýndy bastaldy, oǵan Halyqaralyq Qyzyl Krest komıteti qatysýda. Vereýk sonymen qatar Túrkııanyń kelissózderdiń aǵymdaǵy raýndynda deldal bolatynyn, evakýaııanyń ózi birneshe kezeńde júzege asyrylatynyn, onyń birinshisi aýyr jaralylarǵa qatysty ekenin aıtty. 7 mamyrda ol barlyq beıbit turǵyndardyń zaýyt aýmaǵynan evakýaııalanǵanyn habarlady.

“Adyrna” ulttyq portaly

Pikirler