Túrkistanda mektep oqýshylary synyptasyn uryp óltirgen, dep habarlaıdy “Adyrna” ulttyq portaly KTK arnasyna silteme jasap.
Marqumnyń jaqyndary oqýshylarǵa bas-kóz bolmaǵan mektep ujymy men der kezinde kómek bermegen dárigerlerge narazy. Ájesiniń sózinshe, ótken jumada nemeresi mektepten taıaq jep kelgen. Denesi aýyrsynyp, demalys kúnderi dáriniń kómegimen áreń júripti.
Al dúısenbi kúni aýyryp tursa da, mektepke ketken bala úıge kelisimen taǵy qulaıdy. Sol kezde Ramazan ájesine sotqar synyptasynan qorlyq kórgenin aıtyp shaǵymdanady.
“Ony dárethananyń ishinde urypty. Dárethanaǵa kirgende artynan kirip urǵan. Basynan qatty soqqy alǵan. Qan uıypty basyna, odan keıin tamyry qysylyp qalǵan dedi. Búıregi de isip ketken. Jýas balalardan tıyn-teben jınap alady eken. Ana bala: "men osy synyptyń atamanymyn" deıdi eken. Soǵan endi aqsha berý kerek kórinedi. Qazir sonda álimjettik bop tur ǵoı”, – deıdi marqumnyń ájesi Gúlnar Mahanova.
Kóz jumǵan bala oqyǵan №18 mektep-gımnazııada álimjettik kóp oryn alady degen áńgime ata-analar arasynda kóp aıtylady. Degenmen mektep dırektory ony joqqa shyǵardy. Tipti ata-analarmen jınalys ta ótkizipti.
“Soqqy jedi degen bolǵan joq. Biraq solaı aıtylǵan. Biz, mine, ata-analarmen de jumys jasadyq. Bizge aıtylǵany synyp jetekshisiniń ornyna, shamaly qataldaý, talapshyl synyp jetekshisin qoısańyz degen usynys aıtyp ketti. Ondaı bir balamyzdyń jaǵdaıyna qorqamyz nemese mynadaı degen másele bolǵan joq”, – deıdi J.Edilbaev atyndaǵy mektep-gımnazııanyń dırektory Ýálıhan Besimbaev.
Mektepte beınebaqylaý kameralary ornatylǵan kórinedi. Alaıda juma kúni dárethana mańyndaǵy kamera isten shyqqan deıdi dırektor. Qazir bul iske polıııa aralasyp jatyr.
“Túrkistan qalasynyń polıııa basqarmasynyń qyzmetkerlerimen tekserý júrip jatyr. Saraptamalar taǵaıyndaldy. Saraptama qortyndysy boıynsha zań sheńberinde naqty sheshim qabyldanady”, – deıdi Túrkistan oblysy PD baspasóz hatshysy Saltanat Qarakózova.
