QR Sifrlyq damu, innovasiialar jäne aeroǧaryş önerkäsıbı ministrlıgı elımızde qazırdıŋ özınde jüzege asyrylyp jatqan jasandy intellekt salasyndaǧy jobalar turaly baiandady, dep habarlaidy «Adyrna» ūlttyq portaly QazAqparatqa sılteme jasap.
– Qazaqstanda qazırdıŋ özınde densaulyq saqtau, bılım beru, qūqyq qorǧau, smart qalalar siiaqty türlı salalarda algoritmder men jasandy intellekt tehnologiialaryn qoldanu arqyly bırqatar jobalar jüzege asyryluda. Mysaly, densaulyq saqtau salasynda Cerebra (insult belgılerın diagnostikalauǧa kömektesu), Aident (ortodont därıgerlerıne kömek), Smart ECG (elektrokardiogrammany qaşyqtan interpretasiialau), PneumoNet jüiesı (ökpenıŋ on jetı patogendı auruyn anyqtau) siiaqty jobalar bar. Qazaqstanda ǧana emes, şetelde de tanymal boldy», - dedı ministrlık QazAqparat redaksiiasynyŋ resmi saualyna bergen jauabynda. Smart qalalar salasynda TargetAI, Sergek Group jäne Beyne.ai jobalary jasandy intellekt tehnologiialaryn, ülken derekterdı öŋdeudı jäne qala syrtyndaǧy monitoringtı paidalana otyryp, beine mälımetterdı taldau mümkındıgın beredı. «Qazırgı uaqytta NEURON OIL baǧdarlamalyq jasaqtamasy jūmys ısteidı, būl mūnai öndıruşı kompaniialarǧa derekter negızınde dūrys igerudı basqaru şeşımderın qabyldauǧa jäne ūŋǧyma oqiǧalaryna köp faktorly taldau jasauǧa kömektesetın maşinany oqytu algoritmı», - dep qosty departamentte.«Adyrna» ūlttyq portaly
Ūqsas jaŋalyqtar
