Bügın tanymal teatr akterı Asqar Naimantaev dünieden ozdy, dep habarlaidy «Adyrna» ūlttyq portaly.
Asqar Äbdıǧalymūly Naimantaev - 1965 jyly, 17-mausym künı, Almaty oblysy, Narynqol auylynda düniege kelgen. Akter «Tamaşa» oiyn-sauyq otauy arqyly köpşılıkke tanymal. Respublikamyzdyŋ estrada önerınıŋ tarihynda Asqar Naimantaev aşqan «Terısqaqpai», «Aqqu-Gäkku» komediialyq teatrlarynyŋ orny erekşe. Aqiyq aqyn Mūqaǧali Maqataev jyrlaryn därıpteuşı retınde de edäuır eŋbek etıp, «Bügın menıŋ tuǧan künım» atty konserttık jobasy Respublikalyq telearnalar arqyly bırneşe jyl qatarynan ötken dästürlı halyq süigen jobaǧa ainaldy. «Mūqaǧali atyndaǧy syilyqtyŋ» qūryltaişysy bolyp, Mūqaǧali mūrasyn därıpteuge eŋbek etken jazuşy, aqyn, änşı, kompozitorlardy marapattady. 2008 jyldyŋ 8 jeltoqsan küngı jarlyǧy boiynşa «Qazaqstannyŋ eŋbek sıŋırgen qairatkerı» qūrmettı ataǧy berıldı. Bırneşe pesa, kinossenariler, telejobalardyŋ, audarmalardyŋ avtory. 2020 jyly Almaty oblysy Raiymbek jäne Ūiǧyr audandarynda «Hantäŋırı» jäne «Qaradala» teatrlaryn aşty. Aita keteiık, osydan 1 apta būryn akter öz instagram paraqşasynda auruhanadaǧy suretın jariialaǧan bolatyn.«Adyrna» ūlttyq portaly
Ūqsas jaŋalyqtar
