Memlekettik keńesshi Erlan Qarın «Ejelgi zamannan búgingi kúnge deıingi Qazaqstan tarıhy» atty jańa akademııalyq basylymnyń redakııa múshelerimen kezdesý ótkizdi, dep habarlaıdy «Adyrna» ulttyq portaly.
Jıyn barysynda atalǵan kóptomdyqty ázirleý barysy qaraldy.
Akademııalyq basylymnyń ár tomynyń jetekshileri – Á.H.Marǵulan atyndaǵy Arheologııa ınstıtýtynyń bas dırektory Aqan Ońǵar, Joshy Ulysyn zertteý ǵylymı ınstıtýtynyń dırektory Jaqsylyq Sábıtov, Sh.Sh.Ýálıhanov atyndaǵy Tarıh jáne etnologııa ınstıtýtynyń dırektory Zııabek Qabyldınov, R.B. Súleımenov atyndaǵy Shyǵystaný ınstıtýty janyndaǵy Tarıhı materıaldardy zertteý jónindegi respýblıkalyq aqparattyq ortalyqtyń dırektory Merýert Ábýseıitova, Memleket tarıhy ınstıtýtynyń dırektory Búrkitbaı Aıaǵan Memlekettik keńesshini jalpyálemdik úderister aıasynda Qazaqstan tarıhynyń negizgi kezeńderi qalaı jazylyp jatqanynan habardar etti.
Erlan Qarın ǵylymı issapar barysynda shetel arhıvterinen tabylǵan tól tarıhymyzǵa qatysty jańa muraǵat qujattary jáne sońǵy jyldardaǵy arheologııalyq zertteýlerdiń qorytyndylary osy irgeli ǵylymı eńbekke enýge tıis ekenin aıtty.
Sonymen qatar Memlekettik keńesshi sapaly basylym daıyndaý barysynda ǵalymdardyń bul jumysqa jaýapkershilikpen qaraýyn, avtorlar men redaktorlardyń tynymsyz eńbek etý mańyzyn atap ótti.
«Adyrna» ulttyq portaly
