Orystyń asa talantty hám taǵdyrly aqyny Alaksandr Pýshkınniń týǵanyna 220 jyl tolýyna oraı Óskemendegi A.Pýshkın atyndaǵy oblystyq kitaphanada keremet kesh ótti.
Oǵan Shyǵys Qazaqstan oblysy ákiminiń orynbasary Ásem Núsipova qatysty. Saltanatty is-shara kitaphana aldyndaǵy aqynnyń eskertkishine gúl shoqtaryn qoıýmen bastaldy.
- Bıyl Pýshkınniń týǵanyna 220 jyl. Bul - aıtýly data. Búginde bizdiń oblysta klassık aqynnyń atynda kitaphana bar. Onda oqyrmandarǵa qajetti kitaptar men oqýlyqtar jeterlik. Kitaphana qorynda 380 myńnan astam kitap jınalǵan. Onyń ishinde, oblys ákimdiginiń qoldaýymen «Rýhanı jańǵyrý» baǵdarlamasynyń aıasynda «Abaı álemi» serııasymen jaryq kórgen Abaı, Shákárim, Áýezov, F.Dostoevskıı syndy kóptegen aqyn-jazýshylardyń shyǵarmalary bar. Bıyl biz bul tizimdi odan ary keńeıtip, baspa betin kóretin avtorlardyń shyǵarmalaryn kóbeıtýdi josparlap otyrmyz, - dedi Ásem Núsipova.
Aıtýly keshke Óskemendegi Reseı Federaııasy bas konsýldyǵynyń ókili de qatysyp, sóz sóıledi.
Bul kúni oblystyq kitaphananyń aldynda «Vse o Pýshkıne» atty suraq-jaýap kórmesi uıymdastyrylip, kópshilik «Eksklıýzıv» fotoklýby músheleriniń týyndylaryn kórdi. Jastar jaǵy aqynnyń otty jyrlaryn oqydy. Al sharaǵa kelgen qonaqtar «Salon Tatıany Larınoı» atty ádebı-mýzykalyq keshti tamashalap, aqyn óleńderine jazylǵan áýezdi romanstardy tyńdady.
Qýan Seıit
