Komıssııaǵa dastarhan jaıǵan muǵalimder 20 táýlikke qamalýy múmkin

2524

Aqtóbe oblysy Baıǵanın aýdanyndaǵy Tobyq JARMAǴAMBETOV atyndaǵy mektep muǵalimderi oblystyq bilim basqarmasyna qarasty mekemeden kelgen qonaqtardy baı dastarhanmen qarsy alǵan. Bul zańǵa tompaq eken. QK-tiń 247 babyna sáıkes 80 AEK aıyppul tóleıdi nemese 80 saǵat qoǵamdyq jumysqa tartylýy múmkin. Iakı 20 táýlikke deıin qamaýǵa alynýy da yqtımal.

Osylaısha oblystyq bilim basqarmasy bastyǵy Lázzat ORAZBAEVANYŃ qaramaǵyndaǵy aqtóbelik meımandardyń is-sapary aýdandaǵy muǵalimderdi alańdatyp tastady.

Oblystyq pedagogıkalyq-dárigerlik-psıhologııalyq keńesiniń 10 qyzmetkeri  balalardy arnaıy bilim berý uıymdaryna túzetý jumystaryna joldama berý úshin tekserý júrgizýge kelgen eken.

«Aýdan muǵalimderi dastarhandy ózderi aqsha jumsap jaımaǵandaryn aıtty. Ol dastarhan oblystan kelgen qonaqtardyń esebinen jaıylypty. Biraq dastarhanǵa qarap: «Olar úıde de osylaı ádemi tamaqtana ma, baıǵanındik ustazdar nege stól jasaý kerek,  sanıtarlyq normaǵa sáıkes mektep kabınetterinde dastarhan jaıýǵa ruqsat bar ma?» degen suraqtar týyndady», - deıdi «Adaldyq alańy» jobalyq keńsesiniń  saraptama keńesiniń tóraǵasy Janbolat TURTAEV.

Qazir barlyq aýdan ortalyqtarynda ǵana emes, tipti keıbir aýyldarda jaqsy tamaqtanýǵa bolatyn  meıramhana, dámhana, ashanalary bar. Dastarhandy mektepte jaıýdyń qanshalyqty qajeti bar deıdi QR memlekettik qyzmet isteri jáne sybaılas jemqorlyqqa qarsy is-qımyl departamentine qaraıtyn «Adaldyq alańy» keńsesiniń ókilderi.

Árbir tekseriske dastarhan daıarlaıtyndar kóbine mundaı jaǵdaıdy qazaqtyń qonaqjaılylyǵymen túsindiredi eken.

Iá, bir jaǵynan ol da durys, biz ózimizdiń salt-dástúrimizdi jáne onyń mańyzdylyǵyn joǵaltpaý kerekpiz. Biraq ózimizdiń týystarymyzben memleket tolyq túrde barlyq is-sapar shyǵyndaryn óteıtin tekserýshilerdi shatastyrýǵa bolmaıdy. Onyń ústine tekseris kóp, eger olardyń barlyǵyna, ıaǵnı is saparmen kelýshilerge, kúnine birneshe ret molynan dastarhan jaıylsa ol shekten shyqqandyq dep túsindiredi «Adaldyq alańynyń» baspasóz qyzmeti.

«Tekserýshiler kelgen saıyn  dastarhan jaıý onsyz da az jalaqy alatyn qatardaǵy jumysshylardyń qaltasyn qaǵatyny anyq.  Óz kezeginde, olar jekelegen kásipkerlerdi eriksiz «keshki as» jaıýǵa nemese  baqylaýshylarǵa túneýge oryn usyný arqyly sybaılas jemqorlyq qaýpin týdyrýy múmkin», - deıdi «Adaldyq alańy» jobalyq keńsesi sarapshylar keńesiniń tóraǵasy Janbolat Turtaev.

Qazir atalǵan oqıǵa boıynsha aqparat oblystyq bilim basqarmasyna qaraýǵa jáne tıisti shara qoldanýǵa joldanǵan. Jobalyq  keńse osy baǵyttaǵy jumysty ári qaraı belsendi túrde jalǵastyramyz dep otyr. Ol úshin joǵaryda atalǵan oqıǵaǵa beı-jaı qaramaıtyn jáne osyǵan uqsas jaǵdaı oryn alǵanda habarlaı alatyn turǵyndardyń kómegi qajet ekenin aıtady.

Janar Qojanova

"Jas Alash"

Pikirler
Redakııa tańdaýy