Densaulyq saqtau ministrı Ajar Ǧiniiat Qazaqstanda qyzylşamen auyryp jatqan 30 balanyŋ jaǧdaiy auyr ekenın aitty, dep habarlaidy «Adyrna» ūlttyq portaly.
Densaulyq saqtau ministrlıgınıŋ mälımetı boiynşa, Qazaqstanda qyzylşamen 17 myŋnan astam jaǧdai tırkeldı, 82 paiyzdan köbı balalarda, onyŋ ışınde 83 paiyzy vaksinasiialanbaǧan balalar. Barlyq oblystarda qyzylşa auruy tırkelgenı atap ötıldı. Deŋgeilerdıŋ joǧarylauy baiqalady: Şymkentte – 3 myŋnan astam; Almaty jäne Jambyl oblysynda – 2 myŋnan astam jaǧdai; Almaty, Maŋǧystau, Aqtöbe, Qyzylorda, Atyrau oblystarynda – myŋnan astam jaǧdai. Densaulyq saqtau ministrı balalardyŋ ūiymdasqan toptarǧa jinaluyna bailanysty 2023 jyldyŋ qyrküiegınen bastap auruşaŋdyqtyŋ kürt ösuı baiqalǧanyn habarlady.«Nätijesınde, auruşaŋdyq ekı esege östı. Qaraşa aiynda qyzylşamen auyratyn 6 myŋnan astam jaǧdai tırkeldı. Bügınde elımızde qyzylşamen auyratyn nauqastarǧa arnalǧan 3,5 myŋnan astam tösek-oryn ornalastyryldy. 2375 bala stasionarlyq emdelude, tösek-oryn 60 paiyzdy, tösek rezervı 1093 qūraidy. Jambyl oblysynda - 92 paiyz, Almatyda - 88 paiyz, Türkıstan oblysynda - 81 paiyz, Şymkentte - 79 paiyz tösek-orynnyŋ joǧary qamtyluy baiqalady. Auruhanaǧa jatqyzylǧandardyŋ ışınde 30 bala auyr jaǧdaida reanimasiiada, onyŋ ışınde bır jasqa deiın - 15 bala. Ölım tırkelgen joq», - dedı ministr Ükımet otyrysynda.
«Adyrna» ūlttyq portaly
Ūqsas jaŋalyqtar
