Tanymal qazaqstandyq boksshy Gennadıı Golovkınniń búgin týǵan kúni. Orta salmaqtaǵy IBF jáne IBO nusqalary boıynsha álem chempıony 39 jasqa tolyp jatyr. Týǵan kúnine oraı jelide jazba jarııalaǵan sportshy jurt kózinen tasa ustaıtyn balalaryn alǵash kórsetti, dep habarlaıdy "Adyrna" ulttyq portaly.
Boksshy óziniń Twitter-de balalarymen birge túsken sýretin jarııalady. Jazbada:
"Men ózimdi baqytty sezinemin. Eń asyldarym osy jerde jáne qazir menimen birge. Týǵan kúnimmen", - dep jazdy Golovkın.
Gennadıı Golovkın áıeli Alınamen birge úsh balany tárbıelep otyr. Olardyń 12 jasar Vadım (2009 jyly sáýirde týǵan) esimdi uly, 2017 jyly qyrkúıekte týǵan qyzy jáne 2019 jyly qańtarda ómirge kelgen taǵy bir uly bar. Erli-zaıypty osy ýaqytqa deıin eki kishkentaıynyń esimin esh jerde aıtpaǵan.
GGG-diń otbasy Los-Andjeles mańynda (Kalıfornııa shtaty, AQSh) turady. Sportshy sol jerde jattyǵady.
"Adyrna" ulttyq portaly
