Qazaqstan Respýblıkasyn Prezıdenttigine kandıdat Danııa Espaeva «Astana TV» arnasy jýrnalısteriniń ótinishimen qıyn jaǵdaıǵa dýshar bolǵan kópbalaly ana Aqbaıan Jalmurzaevamen kezdesti.
Aqbaıan kúıeýi otbasyn tastap ketkennen keıin, balalaryn asyrap baǵý úshin óz nápaqasyn tabýǵa kiriskenin aıtty. Salynyp jatqan dúńgirshektiń ıesine senip, saýda ornyn jalǵa alý úshin 700 myń teńgeden asa qarjysyn tólegen. Onyń alǵashqy 340 myń teńgesin bank kartasy arqyly tólese, qalǵan ekeýin qolma-qol bergen. Biraq qurylys aıaqtalǵan soń, dúken ıesi «aqshasyn tólemediń» dep, áıeldi taýarlarymen birge kúshtep shyǵaryp tastaǵan.
Aqshasy qalmaǵan ana jekemenshik jataqhanadaǵy bólmesiniń aqysyn tóleı almaǵan. Buǵan jataqhana ıesi (Syrymbet kósh., 7) kepildikke áıeli men men balalarynyń kıimderi men zattaryn alyp, beısharany qýyp shyǵarady.
Kishkentaı 4 balasymen dalada qalǵan ana qoldan shatyr qurady. Qazir jańbyr men jelge qaramastan sol juqa shatyrdyń ishinde turýǵa májbúr bolyp otyr. Alǵashqy túni-aq balalarǵa sýyq tıip, aýyryp qalǵan. Ana tym bolmaǵanda tómen aqydaǵy 10 metr jataqhandaǵy bólme berýin surap otyr. Kópbalaly otbasy ákimdikte baspana alý kezeginde turǵanymen, ony jaqyn arada almaıdy.
Aqbaıan ákimdikke de, kezekshi ýchaskelik polıııa qyzmetkerine de aryzyn aıtqanymen, odan jaýap ala alǵan joq. Dúken ıesi ákimdikte «óziniń adamdary» bar ekenin aıtqan, buny ákimdiktiń qozǵalyssyz otyrǵanynan da kórýge bolady.
Aqbaıannyń janynda ony qoldaýǵa kelgen taǵy bir kópbalaly ana bar – Janar Bıdaıbekova. 5 jyl buryn onyń 3 balasy otta órtenip qaıtys bolady. Balalarynyń múrdesin kórgen kúıeýiniń júrek talmasy ustap, ol da qaıtys bolady. Kezindegi úlken bir shańyraqtan 2 balasy men 4 qazasy týraly anyqtama qalyp otyr. Tragdeııadan soń ákimdik oǵan jataqhanadan bólme bergen. Endi Janar Aqbaıanǵa kómektesýdi surap otyr.
Osyǵan baılanysty, Danııa Espaeva elimizdiń Bas prokýrory men Nur-Sultan qalasynyń ákimine resmı saýal joldap, kópbalaly analardyń zańdy quqyqtaryn qorǵaýdy talap etti.
Qosymsha: QR Prezıdenttigine úmitker Danııa Espaevanyń QR Bas prokýrory men Nur-Sultan qalasynyń ákimine jibergen resmı haty.
«Aq jol» partııasynyń baspasóz qyzmeti
Qazaqstan Respýblıkasynyń Prezıdenttigine úmitker
D.M. Espaevanyń saılaý qorynyń qarjysynan tólendi
