Astanalyq 19 jastaǵy mánerlep syrǵanaýshy Rahat Bralın Estonııada mánerlep syrǵanaýdan ótken týrnırde kúmis medal jeńip aldy, dep habarlaıdy ákimniń baspasóz qyzmeti. Bul týraly «Adyrna» ulttyq portaly jazady.
«Rahat Bralın Estonııada ótip jatqan eresekter arasyndaǵy Tallinn Tropfy-2023 halyqaralyq týrnırinde kúmis medal jeńip aldy», - delingen habarlamada.
Eki baǵdarlamanyń qorytyndysy boıynsha Rahat Bralın 194,08 upaı jınap, ekinshi oryndy ıelendi. Astanalyq qysqa baǵdarlamada úshinshi, erkin baǵdarlamada ekinshi boldy. Mánerlep syrǵanaý týrnıriniń altynyn 195,90 upaımen ızraıldik Lev Vınokýr jeńip alsa, úzdik úshtikti ýkraınalyq Kırılo Marsak (193,23 upaı) túıindedi.
«Adyrna» ulttyq portaly
