Mäjılıs deputaty Däulet Mūqaev qarjylyq piramidalar men internet alaiaqtarǧa aldandaǧandar jönınde Bas Prokuror Berık Asylovqa deputattyq saual joldady, dep habarlaidy "Adyrna" portaly.
Kezektı Mäjılıs otyrysynda Däulet Mūqaev 5 myŋ adamnyŋ 30 milliard aqşasyn jymqyrǧan Ais Muratova (şyn aty - Arailym) esımdı äieldıŋ ısın prokuratura jıtı qarauyn basa aitty. Sonşa adamdy aldap soqqan odan bärın kütuge bolady deidı ol.
"Qytaidan arzan tauar äkelemın dep, eldı sendırgen Ais Muratovaǧa (Şyn aty Arailym) aldanǧandar sany 5000-nan asady. Aisqa senıp, perevodpen ketken aqşa kölemı 30 milliardqa jetıp otyr. Oilaŋyzdarşy, elde 10 mektep saluǧa bolatyn aqşa! Nemese orta eseppen 2000 päterdıŋ aqşasy!!! Men tek chek jinalǧan 3-4 papkany körsettım. Būndai 3 paket bar!
Ädılettı Qazaqstan desek, tergeu jūmystary ädılettı jüru kerek. Ärı būl ıs Bas prokurordyŋ jıtı baqylauynda bolu kerek. Sol sebeptı de deputattyq saual joldadym. Sebebı aldanǧan qarapaiym halyq Ais jazasyz qala ma dep qorqady! 30 milliard aqşaǧa sudiany da satyp aluy mümkın!" dep atap öttı Däulet Mūqaev.
Eske sala keteiık, IIM biylǧy toǧyz aida elımızde 15 myŋnan astam internet-alaiaqtyq faktılerı tırkelgenın habarlady. Osy sanattaǧy 3 myŋǧa juyq qylmysty jasauǧa qatysy bar 596 adam qylmystyq jauapkerşılıkke tartyldy.
Ūqsas jaŋalyqtar
