Ukrainanyŋ täuelsız şırkeuınıŋ negızın qalauşy Filaret (Mihail Denisenko) 98 jasynda qaitys boldy. Resmi mälımetke säikes, ol jūma künı taŋerteŋ dünieden ötken, dep habarlaidy “Adyrna” portaly VVS-ge sıltep.
Şırkeu mälımdemesınde Filarettıŋ Ukrainadaǧy dıni ömırge qosqan ülesı erekşe atap ötıldı. Ol keŋestık kezeŋdegı dınge qysym jyldarynda şırkeu qyzmetın saqtauǧa, täuelsızdık kezeŋındegı ruhani jaŋǧyruǧa jäne ukrain pravoslav şırkeuınıŋ täuelsızdıgı üşın küreske belsendı qatysqan.
Filaret är kezeŋde ärtürlı qyzmet atqardy. Ol äuelde Resei pravoslav şırkeuı qūramyndaǧy joǧary lauazymdy ierarhtardyŋ bırı boldy, keiın Ukrainadaǧy täuelsız şırkeu qozǧalysynyŋ köşbasşylarynyŋ bırıne ainaldy.
2019 jyly Varfolomei Ukrainadaǧy jaŋa pravoslav şırkeuıne avtokefaliia turaly qūjat (tomos) tabystaǧannan keiın, Filaret qūrmettı patriarh märtebesın alǧan edı.
Soŋǧy jyldary ol Ukrainanyŋ pravoslav şırkeuımen közqaras qaişylyǧyna tüsıp, öz baǧytyn ūstanǧan. Soǧan qaramastan, onyŋ esımı Ukrainadaǧy şırkeu täuelsızdıgı jolyndaǧy kürespen tyǧyz bailanysty bolyp qala beredı.
