Palestinanyŋ Gaza sektorynda qalǧan qazaqstandyqtardyŋ sany ataldy. Būl turaly syrtqy ıster ministrınıŋ bırınşı orynbasary Qairat Omarov mälımdedı, dep habarlaidy Kazinform.
Sondai-aq İzrail aumaǧyndaǧy qazaqstandyqtardyŋ esebı erıktı türde jürgızıletındıkten, naqty qanşa adam baryn däl aitu mümkın emestıgın tüsındırdı. Būǧan deiın İzrailden elge oralǧysy keletın Qazaqstan azamattary evakusiialanǧanyn da eske saldy. Būǧan deiın Gaza sektorynda 161 qazaqstandyq bar ekenı aitylǧan bolatyn.«Qazaqstannyŋ 17 azamaty qalǧan. Qalǧandary – solardyŋ otbasy müşelerı. Bızdıŋ azamattar turaly aitqanda olardyŋ otbasy müşelerı turaly da aitamyz. Būl naqty Gaza sektoryndaǧy jaǧdai. Äkelıngen 99 adamnyŋ bır bölıgı – elımızdıŋ azamattary. Qalǧandary solardyŋ otbasy müşelerı. Şekaradan şyqqan kezde İzrail men Mysyr taraby bız ūsynǧan tızımdı tyŋǧylyqty tekseredı. Şekaradan ötetın adamdardyŋ arasynda terrorister joqtyǧyna, elden şyǧarǧysy kelmeitın adamdar emestıgıne köz jetkızu kerek», - dedı Qairat Omarov.
«Bız evakuasiia ūiymdastyrǧan kezeŋde 161 adam boldy. Onyŋ 99-y elge keluge niet bıldırdı. Bız sondai mümkındık ūsyndyq. Bırqatar azamat, 17 adam men onyŋ otbasy müşelerı sonda qalamyz degen şeşım qabyldady. Evakuasiiadan türlı sebeppen bas tartty. Elge oraluǧa kelıskenderdı ǧana äkeldık. Būl baǧyttaǧy jūmystarymyz jalǧasady. Keleşekte qaitqysy keletınder bolsa, olarmen de jūmys ısteimız. Qoldaryna biletı daiyn, ūşyp şyqqysy kelıp otyrǧan azamattar bar. Olarmen Mysyrdaǧy, İordaniiadaǧy, İzraildegı ökıldıkterımız jūmys ıstep jatyr», - dedı Syrtqy ıster ministrınıŋ bırınşı orynbasary.
Ūqsas jaŋalyqtar
