Ūjymdyq qauıpsızdık turaly şart ūiymy Täjıkstan tarapynan kömek sūraldy degen aqparatqa qatysty tüsınıkteme berdı, dep habarlaidy «Adyrna» tılşısı.
Ūiymnyŋ mälımdemesınde Telegram arnalarda taraǧan derekterdıŋ şyndyqqa janaspaityny aitylǧan.
«2025 jylǧy 26 jäne 30 qaraşada bolǧan oqiǧalarǧa bailanysty täjık tarapy ŪQŞŪ-ǧa qandai da bır kömek sūrap jügıngen joq», — delıngen habarlamada.
Sondai-aq Täjıkstannyŋ ŪQŞŪ-men Auǧanstan şekarasyn nyǧaitu aiasyndaǧy özara ıs-qimyly tiıstı maqsatty memleketaralyq baǧdarlama negızınde jüzege asyrylyp jatqany atap ötıldı.
Eske salaiyq, būǧan deiın Reuters agenttıgı Täjıkstannyŋ äskeri kömek sūraǧany turaly aqparat taratqan edı. BAQ eldıŋ Auǧanstanmen şekaradaǧy qauıptıŋ küşeiuıne bailanysty alaŋdauşylyq bıldırgenın jazǧan. Alaida Täjıkstan SIM būl aqparatty joqqa şyǧardy.
