Birinshi jeltoqsannan bastap Qazaqstanda taǵy bir aqyly jol paıda bolady. Tıisti buıryqqa kólik mınıstri Marat Qarabaev qol qoıdy, - dep habarlaıdy «Adyrna» ulttyq portaly.
Basqarma basshysy 2023 jylǵy 3 qarashadaǵy «Oral qalasynan Reseı Federaııasynyń shekarasyna deıin (Saratov qalasyna) respýblıkalyq mańyzy bar jalpyǵa ortaq paıdalanylatyn avtomobıl jolyn (ýchaskesin) aqyly negizde paıdalaný týraly» buıryǵyna qol qoıdy.
Buıryqqa sáıkes, II sanattaǵy Respýblıkalyq mańyzy bar jalpyǵa ortaq paıdalanylatyn avtomobıl jolynyń Oral – Reseı Federaııasynyń shekarasy (Saratovqa) trassasynyń ýchaskesi aqyly negizde paıdalanylady.
Bul rette ótkel qosalqy jolmen júzege asyrylýy múmkin: respýblıkalyq mańyzy bar Atyraý – Oral avtomobıl jolynyń Oral – Chapaevo ýchaskesi, respýblıkalyq mańyzy bar Chapaevo – Jalpaqtal – Kaztalovka avtomobıl joly – Reseı Federaııasynyń shekarasy.
Bir baǵyttaǵy búkil marshrýt úshin jol júrý quny:
16 orynǵa deıingi avtobýstar jáne júk kótergishtigi 2,5 tonnaǵa deıingi júk avtomobılderi – 142 teńge;
32 orynǵa deıingi avtobýstar jáne júk kótergishtigi 5,5 tonnaǵa deıingi júk avtomobılderi – 284 teńge;
32 oryndyq avtobýstar men júk kótergishtigi 10 tonnaǵa deıingi júk avtomobılderi – 426 teńge;
Júk kótergishtigi 10 tonnadan 15 tonnaǵa deıingi júk avtomobılderi – 568 teńge;
Júk kótergishtigi 15 tonnadan joǵary júk kólikteri, tirkemelerdi, júk traktorlaryn qosqanda – 710 teńge.
Aqyly joldyń uzyndyǵy 98,9 shaqyrymdy quraıtyny atap ótildi. Aqyly joldyń qyzmet etý merzimi – 20 jyl.
Sonymen qatar aı saıynǵy jáne jyldyq abonenttik tólem bar. Bir aıda abonementtiń quny kóliktiń júk kótergishtigine baılanysty 1-den 5 AEK-ke deıin (2023 jyly 3450-den 17 250 teńgege deıin) quraıdy. Sondaı-aq joldyń aqyly ýchaskesi boıynsha jyldyq jol aqysyn birden tóleýge bolady. Abonementtiń baǵasy 12-den 60 AEK-ke deıin (2023 jyly 41 100-den 207 000 teńgege deıin).
Aıta keteıik, búgin úkimette ótken brıfıngte «Qazaqstan temir joly» ulttyq kompanııasynyń basshysy Nurlan Saýranbaev búginde Qazaqstanda 2300 shaqyrym aqyly jol bar ekenin aıtqan bolatyn. Buǵan deıin kólik mınıstri Marat Qarabaev aqyly joldarǵa qandaı tarıf qoldanylatynyn aıtqan bolatyn.
«Adyrna» ulttyq portaly
