Bırınşı jeltoqsannan bastap Qazaqstanda taǧy bır aqyly jol paida bolady. Tiıstı būiryqqa kölık ministrı Marat Qarabaev qol qoidy, - dep habarlaidy «Adyrna» ūlttyq portaly.
Basqarma basşysy 2023 jylǧy 3 qaraşadaǧy «Oral qalasynan Resei Federasiiasynyŋ şekarasyna deiın (Saratov qalasyna) respublikalyq maŋyzy bar jalpyǧa ortaq paidalanylatyn avtomobil jolyn (uchaskesın) aqyly negızde paidalanu turaly» būiryǧyna qol qoidy.Būiryqqa säikes, II sanattaǧy Respublikalyq maŋyzy bar jalpyǧa ortaq paidalanylatyn avtomobil jolynyŋ Oral – Resei Federasiiasynyŋ şekarasy (Saratovqa) trassasynyŋ uchaskesı aqyly negızde paidalanylady. Būl rette ötkel qosalqy jolmen jüzege asyryluy mümkın: respublikalyq maŋyzy bar Atyrau – Oral avtomobil jolynyŋ Oral – Chapaevo uchaskesı, respublikalyq maŋyzy bar Chapaevo – Jalpaqtal – Kaztalovka avtomobil joly – Resei Federasiiasynyŋ şekarasy.Bır baǧyttaǧy bükıl marşrut üşın jol jüru qūny: 16 orynǧa deiıngı avtobustar jäne jük kötergıştıgı 2,5 tonnaǧa deiıngı jük avtomobilderı – 142 teŋge; 32 orynǧa deiıngı avtobustar jäne jük kötergıştıgı 5,5 tonnaǧa deiıngı jük avtomobilderı – 284 teŋge; 32 oryndyq avtobustar men jük kötergıştıgı 10 tonnaǧa deiıngı jük avtomobilderı – 426 teŋge; Jük kötergıştıgı 10 tonnadan 15 tonnaǧa deiıngı jük avtomobilderı – 568 teŋge; Jük kötergıştıgı 15 tonnadan joǧary jük kölıkterı, tırkemelerdı, jük traktorlaryn qosqanda – 710 teŋge. Aqyly joldyŋ ūzyndyǧy 98,9 şaqyrymdy qūraityny atap ötıldı. Aqyly joldyŋ qyzmet etu merzımı – 20 jyl. Sonymen qatar ai saiynǧy jäne jyldyq abonenttık tölem bar. Bır aida abonementtıŋ qūny kölıktıŋ jük kötergıştıgıne bailanysty 1-den 5 AEK-ke deiın (2023 jyly 3450-den 17 250 teŋgege deiın) qūraidy. Sondai-aq joldyŋ aqyly uchaskesı boiynşa jyldyq jol aqysyn bırden töleuge bolady. Abonementtıŋ baǧasy 12-den 60 AEK-ke deiın (2023 jyly 41 100-den 207 000 teŋgege deiın). Aita keteiık, bügın ükımette ötken brifingte «Qazaqstan temır joly» ūlttyq kompaniiasynyŋ basşysy Nūrlan Sauranbaev bügınde Qazaqstanda 2300 şaqyrym aqyly jol bar ekenın aitqan bolatyn. Būǧan deiın kölık ministrı Marat Qarabaev aqyly joldarǧa qandai tarif qoldanylatynyn aitqan bolatyn.
«Adyrna» ūlttyq portaly
Ūqsas jaŋalyqtar
