Túrik mýzykasy memlekettik konservatorııasynyń oqytýshysy, doktor Súleıman Sheneldiń qazaqtyń mýzyka tarıhyna qatysty muraǵat qorlaryn qamtıtyn tarıhı mańyzy bar úlken eńbegi jaryq kórdi, dep habarlaıdy "Adyrna" tilshisi.
Ǵalym, túrkolog, shoqaıtanýshy Ábdiýaqap Qara jylǵa oraı jaryq kórgen «Altaı túrkileri jáne mýzykalyq folklorymyz» atty kitap 40 jyldyq eńbektiń jemisi ekenin jazyp, qýanyshty jańalyqpen bólisti.
"Shenel 1985 jyly marqum túrik mýzyka zertteýshisi Muzaffer Sarysezenniń qoljazba notasyn arhıvten taýyp alyp, zerttegen. Dosym osydan keıin arhıvti aqtaryp, oqýǵa kiristi. Túrik qazaqtarynyń kóshi-qon tarıhy men mádenıeti týraly kitapqa kirispe jazýymdy da ótindi. Men bul ótinishimdi úlken qýanyshpen oryndadym.
Kitapqa úles qosqanymyz úshin kitappen birge mınıstrlik bizge alǵys hat joldady. Súleımen dosyma sáttilik tileımin!", - dep jazdy ol.
Qalyń muqabaly, 558 betten turatyn kitapty onlaın túrde tyńdaýǵa da múmkindik bar.
